ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Գ․Դ․Անուզիոյի համալսարան  (Իտալիա)

Մարիբորի համալսարան (Սլովենիա)

Մալագայի համալսարան (Իսպանիա)

Կիրառական գիտությունների Լայպցիգի համալսարան (Գերմանիա)

Բուրչի միջազգային համալսարան (Բոսնիա և Հերցեգովինա)

Բիհաչի համալսարան (Բոսնիա և Հերցեգովինա)

Մոստարի Ձեմալ Բիջեդիկ համալսարան (Բոսնիա և Հերցեգովինա)

Հայաստանի ազգային պոլիտեխնիկական համալսարան (Հայաստանի Հանրապետություն)

Բելառուսի ազգային տեխնիկական համալսարան (Բելառուս)

Բրեստի պետական տեխնիկական համալսարան (Բելառուս)

«CUBE DESIGN» ընկերություն (Սարաևո, Բոսնիա և Հերցեգովինա)

“KF Gradnja” ընկերություն (Բոսնիա և Հերցեգովինա)

Հայաստանի ճարտարապետների պալատ (Հայաստանի Հանրապետություն)

«Ս․Ս․ Սարաևի անվան Բնակարանաշիության ինստիտուտ» (NIPTIS) պետական ձեռնարկություն(Բելառուս)

Բելառուսի ճարտարապետների  (Բելառուս)

26-28 սեպտեմբերի, 2023թ.

Կայացավ «Ճարտարապետության և քաղաքացիական Ճարտարագիտության կրթության վերափոխումը կայուն մոդելի» (TACEESM Erasmus+) նախագծի եզրափակիչ համաժողովը, որին մասնակցում էին Իտալիայի Գ․Դ․ Անուզիոյի համալսարանի, Բոսնիա և Հերցեգովինայի, Սլովենիայի գործընկեր համալսարանների ներկայացուցիչները։

Համաժողովի մասնակիցները հյուրընկելվեցին ՃՇՀԱՀ-ում, որտեղ նիստը բացվեց Միջազգային կապերի գծով պրոռեկտոր Վարդգես Եդոյանի, Հայաստանի ազգային պոլիտեխնիկական համալսարանի պրոռեկտոր Սարգիս Ասատրյանցի և նախագծի համակարգող Լորենզո Պիգնատիի (Գ․Դ․ Անուզիոյի համալսարանի, Իտալիա) ողջույնի խոսքերով։

Մանրամասների համար անցեք հղումով:

4-7 սեպտեմբերի, 2023թ․

2023 թվականի սեպտեմբերի 4-ից 7-ը «Ճարտարապետության և քաղաքացիական Մարիբորի համալսարանում (Սլովենիա) կայացավ Ճարտարագիտության կրթության վերափոխումը կայուն մոդելի» (Erasmus+ TACEESM ) նախագծի համակարգման վերջին հանդիպումը։ Հանդիպմանը առցանց մասնակցել են ՃՇՀԱՀ-ում TACEESM նախագծի համակարգող Վարազդատ Հովհաննիսյանը և նախագծի թիմի անդամներ Արմեն Շատվորյանն ու Իրինա Վանյանը: TACEESM նախագծի ղեկավար Լորենցո Պիգնատին (Դե՛Անունզիոյի համալսարան, Իտալիա) ներկայացրել է հանդիպման օրակարգը, ինչպես նաև նախագծի շրջանակներում իրականացված գործունեությունը։ Հանդիպման մասնակիցները քննարկել են նախագծի տեխնիկական և ֆինանսական հարցերին վերաբերող աշխատանքները, որոնք պետք է կատարվեն մինչև նախագծի ավարտը (14 նոյեմբերի, 2023թ.):

27 հունիսի, 2023թ․

2023 թվականի հունիսի 27-ին Էրազմուս+ TACEESM նախագծի շրջանակներում անցկացվել է ՃՇՀԱՀ-ի գործունեության որակի արտաքին աուդիտ: ԵՄ երկու արտաքին փորձագետներ այցելեցին ՃՇՀԱՀ՝ նախագծի ընթացքում իրականացված աշխատանքների արդյունքները գնահատելու նպատակով: Իրինա Վանյանը, ով պատասխանատու է նախագծի որակի ապահովման համար, ներկայացրել է նախագծի յուրաքանչյուր աշխատանքային փաթեթի շրջանակներում իրականացված աշխատանքները: Ճարտարապետության ֆակուլտետի դեկան Արմեն Շատվորյանը ներկայացրեց «Ճարտարապետություն» ուսումնական ծրագիրը, որը արդիականացվել է TACEESM նախագծի շրջանակներում՝ ներառելով 6 նոր մշակված դասընթացներ մագիստրատուրայի և բակալավրի աստիճաններում: ՃՇՀԱՀ-ի դասախոսները (Աշոտ Մխիթարյանը, Իրինա Վանյանը, Նանար Քալանթարյանը, Էլվիրա Հակոբյանը) ներկայացրել են իրենց նորաստեղծ դասընթացների կառուցվածքը, բովանդակությունը, ուսումնառության արդյունքները, դասավանդման գործիքներն ու մեթոդները: Հանդիպմանը մասնակցել են TACEESM նախագծի ՃՇՀԱՀ-ի թիմի անդամներ՝ Անգին Մարտիրոսյանը, Աննա Քարամյանը, Լուսինե Հարությունյանը, Սիրանուշ Էգնատոսյանը։ Իրենք պատասխանել են աուդիտորների հարցերին։ ՃՇՀԱՀ-ի TACEESM նախագծի համակարգող Վարազդատ Հովհաննիսյանի ղեկավարությամբ աուդիտորները այցելել են այն վայրը, որտեղ կբացվի BIM լաբորատորիան

30 մայիսի, 2023թ․

2023թ․ մայիսի 30-ին իրականացվել է Erasmus+ TACEESM նախագծի ՃՇՀԱՀ-ի արտաքին առցանց աուդիտը: Չորս եվրոպական արտաքին աուդիտորներ առցանց հանդիպել են առցանց եղանակով նախագծի առանցքային թիմի, ՃՇՀԱՀ-ի ակադեմիական անձնակազմի և կառավարման թիմի ներկայացուցիչների հետ: Հրավիրված մասնակիցները պատասխանել են աուդիտորների բազմաթիվ հարցերի:

25 մայիսի, 2023թ․

Սույն թվականի մայիսի 22-ին ՃՇՀԱՀ-ում կայացավ ճարտարապետության ոլորտի գործատուների հետ հանդիպումը, որի նախաձեռնողն էր Ճարտարապետության ֆակուլտետի դեկան՝ պարոն Արմեն Շատվորյանը։ Հանդիպումը կազմակերպվել է Էրազմուս+ TACEESM նախագծի շրջանակներում։ 17 ճարտարապետական արվեստանոցների ճարտարապետներ մասնակցեցին հանդիպմանը՝ «Ճարտարապետություն» մասնագիտության կրթական ծրագրի բարելավման ուղիները քննարկելու նպատակով։

25 ապրիլի – մայիսի 5, 2023թ

Սույն թվականի ապրիլի 25-ից մայիսի 5-ը ՃՇՀԱՀ-ում անցկացվել է աշխատանքային սեմինար «Երևանի «Կասկադ» բաց հանրային տարածքի մետա-նախագծում» թեմայով, որն իրականացվել է Եվրամիության կողմից ֆինանսավորվող Էրազմուս+ «Ճարտարապետության և քաղաքացիական ճարտարագիտության կրթության վերափոխումը կայուն մոդելի» (TACEESM) նախագծի շրջանակներում։ Աշխատաժողովն անցկացվել է Իտալիայի Չիետի-Պեսկարայի Գաբրիել Անունզիոյի անվան համալսարանի պրոֆեսորներ Ֆիլիպպո Անջելուչիի և Անդրեա Դի Չինզիոի ղեկավարությամբ։: Սեմինարի հաջող ավարտից հետո ուսանողները ստացան վկայականներ՝ 3 կրեդիտ (ECTS) ձեռք բերելու հաստատմամբ:

28 փետրվարի, 2023թ.

Սույն թվականի փետրվարի 28-ին ՃՇՀԱՀ-ում անցկացվեց Էրազմուս+ նախագծերի տեղեկատվական օր ներքին և արտաքին շահակիցների համար: Որպես տարբեր կոնսորցիումների գործընկեր համալսարան ՃՇՀԱՀ-ն ներկայումս իրականացնում է հինգ Էրազմուս+ նախագծեր: ՃՇՀԱՀ-ի Կրթության որակի ապահովման և զարգացման կենտրոնի ղեկավար Վարազդատ Հովհաննիսյանը ներկայացրեց Էրազմուս+ ծրագրի շրջանակում ՃՇՀԱՀ-ի իրականացվող բոլոր նախագծերին վերաբերող համառոտ տեղեկատվությունը։

Ճարտարապետության ֆակուլտետի դեկան Արմեն Շատվորյանը ներկայացրեց «Ճարտարապետության և քաղաքացիական Ճարտարագիտության կրթության վերափոխումը կայուն մոդելի» (Erasmus+ TACEESM) նախագծի հիմնական հատկանիշները, նպատակները, խնդիրները, ակնկալվող արդյունքները, ինչպես նաև ներկայիս ձեռքբերումները:

Զեկուցողը պատասխանեցին միջոցառման մասնակիցների բազմաթիվ հարցերին: Միջոցառմանը մասնակցում էին ՃՇՀԱՀ-ի ռեկտոր Եղիազար Վարդանյանը, պրոռեկտորներ Ռոբերտ Սուքիասյանը, Վարդգես Եդոյանը, Մանուկ Բարսեղյանը, աշխատակազմի ղեկավար Հովսեփ Հովեյանը։ ՃՇՀԱՀ-ի ռեկտոր Ե. Վարդանյանը շնորհակալություն հայտնեց բոլոր մասնակիցներին միջոցառմանը մասնակցելու և ՃՇՀԱՀ-ի Էրազմուս+ նախագծերին իրենց ներդրումն ունենալու համար:

16-20 հունվարի, 2023թ․

Աշխատաժողով Մարիբորի համալսարանում (Սլովենիա) «Էրազմուս+ TACEESM” նախագծի շրջանակում

2023թ․-ի հունվարի 16-20-ը Մարիբորի համալսարանում (Սլովենիա) «Էրազմուս+ TACEESM” (Nօ 618883-EPP-1-2020-1-IT-EPPKA2-CBHE-JP) նախագծի շրջանակում տեղի ունեցավ հերթական աշխատաժողովը (թվով 5-երրորդը), որին մասնակցում էր ՃՇՀԱՀ ճարտարապետության ֆակուլտետի դեկան՝ Արմեն Շատվորյանը։ Աշխատաժողովին ներկա էին նաև գործընկեր այլ համալսարանների ներկայացուցիչները։

Աշխատաժողովի ընթացքում քննարկման առանցքային հարցերից էր՝ նախագծի շրջանակներում «համալսարան-գործատու» կապի ամրապնդմանն ուղղված գործընկեր համալսարանների և գործատու ընկերությունների/ կազմակերպությունների համատեղ ծրագրերի/հետազոտությունների իրականացման գործընթացը։ Քննարկվեցին նաև 2023թ․ երկրորդ կիսամյակում ուսանողների համար աշխատանքային սեմինարի անցկացման կազմակերպչական հարցերը։ Գործընկեր համալսարանների ներկայացուցիչները տեղեկացրեցին նախագծի շրջանակում գործատու կազմակերպությունների/ձեռնարկությունների հետ ստորագրած համագործակցության հուշագրերի, ինչպես նաև նոր ստեղծված/արդիականացված դասընթացների փորձարկման արդյունքների վերաբերյալ։ Պարոն Շատվորյանը հանդես եկավ զեկույցով՝ ներկայացնելով նշված ուղղություններով TACEESM նախագծի ՃՇՀԱՀ-ի թիմի կողմից իրականացված աշխատանքները (զեկույցը կցված է)։ Պարոն Շատվորյանը մանսավորապես նշեց, որ ՃՇՀԱՀ-ում TACEESM նախագծի շրջանակում մշակվել են 6 նոր դասընթացներ (3 բակալավրիատի և 3՝ մագիստրտուրայի դասընթացներ), որոնցից 2-ի փորձարկումը («BIM-ի տեխնոլոգիաներ» և «Կայուն ճարտարապետություն») իրականացվել է համապատասխանաբար 2021 և 2022թթ․-ին։

Աշխատաժողովի մասնակիցները ներկայացրեցին իրենց առաջարկությունները սույն թվականի հունիսին նախատեսված վեբինարի օրակարգի վերաբերյալ։ Նախանշվեցին TACEESM նախագծի՝ 2023 թվականի անելիքները

9-10 նոյեմբերի, 2022թ.

Սույն թվականի նոյեմբերի 9-10-ը Բուրչիի միջազգային համալսարանում (Սարաջևո, Բոսնիա և Հերցոգովինա) անցկացվեց «Էրազմուս+ TACEESM» նախագծի կառավարման խորհրդի հերթական՝ 5-րդ նիստը։ Նիստի մասնակիցները քննարկեցին նախագծով նախատեսված յոթ փաթեթներից յուրաքանչյուրի շրջանակում իրականացված և մոտ ապագայում իրականացվելիք աշխատանքներին վերաբերող հարցերը։ Առցանց եղանակով նիստին մասնակցեցին ՃՇՀԱՀ «TACEESM» նախագծի համակարգող Վ․ Հովհաննիսյանը և նախագծի որակի գծով պատասխանատու Ի․Վանյանը։

4-5 մայիսի, 2022թ․

Սույն թվականի մայիսի 4-5-ին հիբրիդային ձևաչափով (առկա և հեռավար) անցկացվեց Erasmus+ TACEESM նախագծի Կառավարման խորհրդի հերթական նիստը, որտեղ ներկայացվել և քննարկվել են նախագծին վերաբերող մի շարք խնդիրներ (օրակարգը կցված է)։ Հանդիպմանը հեռավար ձևաչափով մասնակցեցին ՃՇՀԱՀ TACEESM նախագծի ղեկավար՝ Վ․ Հովհաննիսյանը և որակի ապահովման պատասխանատու՝ Ի․Վանյանը։ Ի․Վանյանը ներկայացրեց նախագծի շրջանակներում որակի հսկման ՃՇՀԱՀ-ի հաշվետվությունը։

18-23 ապրիլի, 2022թ.

Սույն թվականի ապրիլի 18-23-ը «TACEESM Erasmus+» նախագծի WP4 աշխատանքային փաթեթի շրջանակում  Իսպանիայի Մալագա քաղաքում տեղի ունեցավ «Համալսարան-ձեռնարկություն համագործակցություն» խորագրով աշխատաժողովը, որը կազմակերպվել էր հիբրիդային ձևաչափով։ Աշխատաժողովին Հայաստանից մասնակցում էին ՃՇՀԱՀ աշխատակիցներ Վ.Հովհաննիսյանը, Ա.Շատվորյանը, Հայաստանի Ճարտարապետների պալատի և Հայաստանի ազգային պոլիտեխնիկական համալսարանի ներկայացուցիչները: ՃՇՀԱՀ աշխատակիցներ Ի.Վանյանը, Ա.Մխիթարյանը և Ժ.Հակոբյանը աշխատաժողովին մասնակցեցին հեռավար եղանակով։ Աշխատաժողովի մեկնարկը տրվեց «TACEESM» նախագծի շրջանակում գործընկերների կողմից նախորդ մեկ տարվա կտրվածքով իրականացված աշխատանքների հաշվետվությամբ։ Այնուհետև քննարկվեցին ընթացիկ տարվա անելիքները, մասնավորապես՝ համալսարան-ձեռնարկություն համագործակցության խորացման և ընդլայնման հարցերը։ Աշխատաժողովի ընթացքում քննարկվեցին․ գործընկեր համալսարանների և արտադրության միջև համագործակցությանն ու տվյալների ընդհանուր բազաների ընդլայնմանն առնչվող հարցեր, գործընկեր համալսարանների կողմից պրակտիկաների ծրագրերի կազմմանը և այդ պրակտիկաների կազմակերպմանը վերաբերող հարցեր, գործընկեր համալսարանների և արտադրական ընկերությունների միջև համատեղ նախագծերի իրականացման հնարավորություններին առնչվող հարցեր։

Նախագծի ՃՇՀԱՀ թիմի մասնակիցները ներկայացրեցին իրենց զեկույցները, առաջարկությունները և դիտարկումները վերը նշված հարցերի վերաբերյալ:

28 փետրվարի, 2022թ.

Սույն թվականի փետրվարի 28-ին ՃՇՀԱՀ-ում անցկացվեց Էրազմուս+ նախագծերի տեղեկատվական օր ներքին և արտաքին շահակիցների համար: Որպես տարբեր կոնսորցիումների գործընկեր համալսարան ՃՇՀԱՀ-ն ներկայումս իրականացնում է հինգ Էրազմուս+ նախագծեր: ՃՇՀԱՀ-ի ճարտարապետության ֆակուլտետի դեկան Արմեն Շատվորյանը  ներկայացրեց  «Ճարտարապետության և քաղաքացիական Ճարտարագիտության կրթության վերափոխումը  կայուն մոդելի» (Erasmus+ TACEESM) նախագծի հիմնական հատկանիշները, նպատակները, խնդիրները, ակնկալվող արդյունքները, ինչպես նաև ձեռքբերումները: Պարոն Ա.Շատվորյանը պատասխանեց մասնակիցների բազմաթիվ հարցերին: Միջոցառմանը մասնակցում էին ՃՇՀԱՀ ղեկավար կազմը ի դեմս ռեկտոր Ե. Վարդանյանի։ Միջազգային կապերի գծով պրոռեկտոր Վ.Եդոյանն ընդգծեց «Էրազմուս+» նախագծերի կարևորությունը ՃՇՀԱՀ զարգացման և դրա ուսումնական ծրագրերի արդիականացման համար։ ՃՇՀԱՀ ռեկտոր պարոն Ե.Վարդանյանը շնորհակալություն հայտնեց բոլոր մասնակիցներին միջոցառմանը մասնակցելու և ՃՇՀԱՀ «Էրազմուս+» նախագծերին իրենց ներդրումն ունենալու համար:

Կից ներկայացված է  Արմեն Շատվորյանի զեկույցը:

27 հունվարի, 2022թ.

Եվրոպական գործընկեր համալսարանների ներկայացուցիչների այցը ՃՇՀԱՀ ERASMUS+ TACEESM նախագծի շրջանակում

2022 թ. հունվարի 25-ին «Erasmus+TACEESM» նախագծի WP3 աշխատանքային փաթեթի շրջանակում մեկնարկեց քառօրյա աշխատաժողով: Այն կազմակերպվել էր Հայաստանի ազգային պոլիտեխնիկական համալսարանի (ՀԱՊՀ) կողմից՝ նախագծի գործընկեր բուհերի ներկայացուցիչների մասնակցությամբ (առցանց և առկա ձևաչափով)։ Աշխատաժողովին մասնակցելու համար Երևան էին ժամանել եվրոպական գործընկեր հաստատությունների տասը ներկայացուցիչներ տարբեր երկրներից, մասնավորապես՝ Բոսնիա և Հերցեգովինայից (Միջազգային Բուրչի համալսարան (ՄԲՀ), Մոստարի Ջեմալ Բիեդիչի համալսարան (ՋԲՀ), «CUBE Design» ՍՊԸ), Իսպանիայից (Մալագայի համալսարան (ՄՀ)) և Սլովենիայից (Մարիբորի համալսարան (ՄՀ)):

2022 թ. հունվարի 27-ին նախագծի շրջանակում Ճարտարապետության և շինարարության Հայաստանի ազգային համալսարանը հյուրընկալեց Կոնսորցիումի պատվիրակությանը: ՃՇՀԱՀ-ի կողմից միջազգային կապերի գծով պրոռեկտոր Վ. Եդոյանը, կրթական բարեփոխումների գծով պրոռեկտոր Գ. Ստեփանյանը, Ճարտարապետության ֆակուլտետի դեկան Ա. Շատվորյանը ջերմորեն ողջունեցին հյուրերին՝ մաղթելով արդյունավետ աշխատանք աշխատաժողովի ընթացքում։ Պարոն Եդոյանը վստահեցրեց, որ «Erasmus+» «Ճարտարապետության և քաղաքացիական ճարտարագիտության կրթության վերափոխումը կայուն մոդելի» (TACEESM) նախագծի իրականացումը՝ ժամանակակից եվրոպական չափանիշներին և աշխատաշուկայի պահանջներին համապատասխան, կնպաստի ՃՇՀԱՀ ճարտարապետության և շինարարության ուսումնական ծրագրերի զգալի արդիականացմանը: Պարոն Շատվորյանն ընդգծեց այս նախագծի կարևորությունը Ճարտարապետության ֆակուլտետի համար: Հանդիպմանն իրենց մասնակցությունն ունեցան նաև դասախոսներ Նանար Քալանթարյանը, Էլվիրա Հակոբյանը, Արմեն Մինասյանը, Տիգրան Խաչիյանը, Աշոտ Մխիթարյանը, որոնք նախագծի շրջանակում մշակել էին նոր դասընթացների առարկայական ծրագրերը: Տեղեկատվության տարածման պատասխանատու Լուսինե Հարությունյանը հակիրճ անդրադարձավ ծրագրի շրջանակում իր գործառույթներին, իսկ Իրինա Վանյանը ներկայացրեց «TACEESM» նախագծում ՃՇՀԱՀ թիմի մյուս անդամների՝ Անգին Մարտիրոսյանի, Մադլենա Իգիթխանյանի, Սիրանուշ Հովհաննիսյանի և Տաթև Բարխոյանի գործառույթները։

Հանդիպման մասնակիցներին ցուցադրվեց ՃՇՀԱՀ-ի մասին պատմող տեսաֆիլմը։ «TACEESM» նախագծի որակի ապահովման խորհրդի անդամ Իրինա Վանյանը հակիրճ ներկայացրեց ՃՇՀԱՀ պատմության, ղեկավարության, ուսանողների, պրոֆեսորադասախոսական կազմի, կրկնակի որակավորմամբ կրթական ծրագրերի, միջազգային համագործակցության և անդամակցության,

ինչպես նաև համավարակից առաջ և դրա ընթացքում ուսանողական կյանքի մասին տեղեկատվություն։

Հանդիպման ավարտին օտարերկրյա հյուրերին նվիրեցին հայկական ձեռագործ տիկնիկներ: Հյուրերի համար իրականացվեց կարճատև շրջայց՝ բացահայտելու ՃՇՀԱՀ կրթական միջավայրը: Կարճատև շրջայցի ընթացքում հյուրերին ցուցադրվեցին համալսարանի լաբորատորիաները, արհեստանոցները և լսարանները։

25 հունվարի, 2022թ. 

Erasmus+ TACEESM նախագծի երրորդ աշխատաժողով

Erasmus+ TACEESM նախագծի WP3 աշխատանքային փաթեթի շրջանակներում մեկնարկել է 4-օրյա աշխատաժողով: Այն կազմակերպված է Հայաստանի ազգային պոլիտեխնիկական համալսարանի կողմից՝ ապահովելով նախագծի գործընկեր համալսարանների ներկայացուցիչների առցանց և հեռավար մասնակցությունը: Գործընկեր համալսարանների տասը ներկայացուցիչներ ժամանել են Երևան և հյուրընկալվում են նախագծի Հայաստանի գործընկեր համալսարանների կողմից։

14 հունվարի, 2022թ․ 

Առցանց հանդիպում. WP4 աշխատանքային փաթեթի մեկնարկ

2022 թվականի հունվարի 14-ին TACEESM Erasmus+ նախագծի շրջանակներում տեղի ունեցավ WP4 աշխատանքային փաթեթի մեկնարկի վերաբերյալ առցանց հանդիպումը։ Առցանց հանդիպմանն իրենց մասնակցությունն ունեցան նախագծի ՃՇՀԱՀ-ի թիմի անդամները, ինչպես նաև Հայաստանի ճարտարապետների պալատի ներկայացուցիչ պարոն Սարհատ Պետրոսյանը, որոնք ներկայացրեցին իրենց առաջարկները WP4-ի շրջանակներում նախատեսված միջոցառումների իրականացման վերաբերյալ: ՃՇՀԱՀ-ից Իրինա Վանյանը, ինչպես այլ գործընկեր բուհերի ներկայացուցիչներ, ներկայացրեց WP1 աշխատանքային փաթեթի հիմնական արդյունքները՝ WP4-ի գործունեության իրականացումը խթանելու նպաակով։

Կից ներկայացված է Իրինա Վանյանի ելույթը։

16 նոյեմբերի, 2021թ․ 

Քառօրյա առցանց աշխատաժողով «Ֆակուլտետի կարողությունների զարգացում» խորագրով

2021թ․ նոյեմբերի 16-ին Եվրոպական միության կողմից ֆինանսավորվող Erasmus+ TACEESM նախագծի շրջանակներում մեկնարկեց «Ֆակուլտետի կարողությունների զարգացում» խորագրով քառօրյա առցանց աշխատաժողովը: Աշխատաժողովին մասնակցեցին գործընկեր համալսարանների ներկայացուցիչներ։ Մարիբորի համալսարանի (Սլովենիա) ներկայացուցիչները կիսվեցին ճարտարապետության ոլորտում ուսուցման և ուսումնառության մեթոդների իրենց փորձով:

8-11 նոյեմբերի, 2021թ․ 

Ղեկավար հանձնաժողովի նիստ Մալագայում (Իսպանիա)

2021 թվականի նոյեմբերի 9-11-ը Erasmus+ TACEESM նախագծի շրջանակներում համակցված ձևաչափով (անցանց և առցանց) անցկացվեց Ղեկավար հանձնաժողովի երրորդ հանդիպումը: Հանդիպման ընթացքում քննարկվեցին առաջին տարվա ձեռքբերումներին, ինչպես նաև նախագծի հետագա քայլերին առնչվող խնդիրները: TACEESM նախագծի ՃՇՀԱՀ-ի համակարգող Վարազդատ Հովհաննիսյանը մասնակցեց Մալագայում անցկացված անցանց հանդիպմանը։ Նա ներկայացրեց «Շենքերի տեղեկատվական մոդելավորման տեխնոլոգիաներ» մագիստրոսական նոր ուսումնական ծրագիրը, որը դեռևս մշակման փուլում է ՃՇՀԱՀ-ի թիմի կողմից TACEESM  նախագծի շրջանակներում:

15 հոկտեմբերի, 2021թ․ 

Առցանց աշխատաժողով՝ նվիրված «Էրազմուս+ տեղեկատվական օրեր» միջազգային միջոցառմանը

Ամեն տարի ՃՇՀԱՀ-ը տարբեր մոտեցմամբ է նշում «Էրազմուս+ տեղեկատվական օրեր» միջազգային միջոցառումը։ Այս տարի հոկտեմբերի 15-ին տեղի ունեցավ առցանց աշխատաժողով, որին մասնակցում էին ներկայացուցիչներ Իտալիայի, Սլովենիայի, Իսպանիայի, Գերմանիայի, Բոսնիա և Հերցեգովինայի, Բելառուսի և Հայաստանի գործընկեր համալսարաններից: Աշխատաժողովի ընթացքում մասնակիցները ներկայացրեցին «Ճարտարապետության և քաղաքացիական ճարտարագիտության կրթության վերափոխումը կայուն մոդելի» (TACEESM) Էրազմուս+ նախագծի առանցքային վերջնարդյունքներից մեկը՝ նախատեսվող դասընթացների մշակումը:

28 սեպտեմբերի, 2021 թ․ 

TACEESM Erasmus+ նախագծի մշտադիտարկման առցանց հանդիպում

TACEESM Erasmus+ նախագծի մշտադիտարկման առցանց հանդիպումը նախաձեռնել է Հայաստանում Էրազմուս+ ազգային գրասենյակը 2021 թվականի սեպտեմբերի 28-ին: ՃՇՀԱՀ-ում նախագծի ներքին որակի ապահովման պատասխանատու Իրինա Վանյանը  ներկայացրեց նախագծի առաջընթացն ու ձեռքբերումները: Նախագծի ՃՇՀԱՀ-ի աշխատակիցները պատասխանեցին Հայաստանում Էրազմուս+ ազգային գրասենյակի ներկայացուցիչներ Լանա Կառլովայի և Անի Թորոսյանի բազմաթիվ հարցերին:

22 սեպտեմբերի, 2021թ․

 TACEESM նախագծի առցանց հանդիպում  «Վարչական և ֆինանսական հաշվետվությունների փաստաթղթեր»- ի վերաբերյալ

2021 թվականի սեպտեմբերի 22-ին TACEESM Erasmus+ նախագծի «WP8 կառավարում» աշխատանքային փաթեթի շրջանակներում անցկացվեց առցանց հանդիպում։ Մասնակիցներին ներկայացվեցին վարչական և ֆինանսական հաշվետվությունների փաստաթղթերի հետ կապված խնդիրները։ Հանդիպմանն իրենց մասնակցությունն ունեցան նախագծի ՃՇՀԱՀ-ի թիմի ներկայացուցիչներ:

14 հուլիսի, 2021թ․

ՃՇՀԱՀ-ի առցանց աշխատաժողով նոր դասընթացներ մշակող դասախոսների համար։

12 հուլիսի, 2021թ․

«2-րդ Տեղեկատվական օր» խորագրով ՃՇՀԱՀ-ի առցանց միջոցառում։Զեկույց

24 հունիսի, 2021թ․

ՃՇՀԱՀ-ի առցանց աշխատաժողով նոր դասընթացներ մշակող դասախոսների համար։

Զեկույց

16 հունիսի, 2021թ․

 ՃՇՀԱՀ-ի առցանց աշխատաժողով նոր դասընթացներ մշակող դասախոսների համար։Զեկույց

24-25 մայիսի, 2021թ․

Առցանց աշխատաժողով WP2 աշխատանքային փաթեթի շրջանակներում` Գործողություն 2․1․ Բակալավրիատի և մագիստրատուրայի դասընթացների արդիականացում։

16 ապրիլի, 2021թ․

WP 2 աշխատանքային փաթեթի գործընթացների մեկնարկային առցանց հանդիպում։

Զեկույց

12 ապրիլի, 2021թ․

«1-ին Տեղեկատվական օր» խորագրով ՃՇՀԱՀ-ի առցանց միջոցառում։

Զեկույց

21 դեկտեմբերի, 2020թ․

TACEESM Erasmus+ մեկնարկային առցանց հանդիպում։

Զեկույց