ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ասպիրանտուրայում ընդունելությունը կազմակերպվում է ՀՀ ԿԳՄՍՆ գրություններով՝ մագիստրոսի կրթական աստիճանի առկայության դեպքում, հայերեն, անգլերեն լեզուներով:

Ասպիրանտուրայում առկա ուսուցման տևողությունը 3 տարի է, հեռակա ուսուցման տևողությունը՝ 4 տարի:

Դիմորդը ՀՀ ԿԳՄՍՆ ներկայացնում է հետևյալ փաստաթղթերը`

1. դիմում` Հայաստանի Հանրապետության Կրթության, գիտության, մշակույթի և սպորտի նախարարի անունով.
2. նախարարության կողմից տրամադրված    դիմում-հարցաթերթիկ` համաձայն ձևի.
3.  բժշկական տեղեկանք ընդհանուր առողջական վիճակի մասին, որը կարող է տրված լինել նաև Հայաստանի Հանրապետության բժշկական կազմակերպությունների կողմից.
4. անձնագրի կամ ծննդյան վկայականի բոլոր էջերի պատճենները և (կամ) մկրտության վկայականը.
5. կրթական աստիճանի ավարտական փաստաթղթի պատճենը.
6. 3 x 4 չափսի 4 լուսանկար.
7. ինքնակենսագրություն (CV)` հայերենով, ռուսերենով կամ անգլերենով.
8. ընտրած մասնագիտության թեմայով գիտական ռեֆերատ` 20 էջի սահմաններում, հայերենով, ռուսերենով կամ անգլերենով:

2021-2022 ուսումնական տարում համալսարան ընդունվող արտասահմանյան քաղաքացիների համար սահմանված ուսման տարեկան վարձաչափերը