(010) 303-300
Այսօր ՀՀ ԿԳՄՍ նախարար Արայիկ Հարությունյանը հայտարարություն է տարածել Հակաճգնաժամային 14-րդ միջոցառման շրջանակներում ուսանողներին աջակցություն ցուցաբերելու վերաբերյալ:
Հայտարարության մեջ, մասնավորապես, ասված է.
Բարձր գնահատելով և հետևելով ՀՀ Կառավարության և ԿԳՄՍ նախարարության ձեռնարկած հակաճգնաժամային միջոցառումների ընթացքին` Ճարտարապետության և շինարարության Հայաստանի ազգային համալսարանի ռեկտորի ժ/պ Եղիազար Վարդանյանը հանձնարարել է՝ կազմել մեր համալսարանում շահառու հանդիսացող այն ուսանողների ցուցակը ովքեր բավարարում են 1 կետում ներկայացվող պահանջներին։
Սիրելի՛ ուսանողներ, ապրիլի 20֊ից հասանելի կլինեն ցուցակները և շահառուները կտեղեկացվեն, որպեսզի օգտվեն կառավարության կողմից իրականացվող աջակցությունից, իսկ մնացած կետերին բավարարելու համար հավելյալ տեղեկատվությունը կարող եք ստանալ առցանց եղանակով` ձեր համապատասխան ֆակուլտետի դեկանատներից։
Շարունակե՛ք հետևել համալսարանի պաշտոնական կայքէջի հայտարարություններին՝ բուհին վերաբերող հավաստի տեղեկատվություն ստանալուհամար:
