Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Մենք արցախի հետ ենք

Այսօր տեղի ունեցավ Ուսանողական խորհրդի արտահերթ նիստը, որին ներկա էին նաև ՃՇՀԱՀ ռեկտոր Գ. Գալստյանը, ռեկտորի առաջին տեղակալ, պրոռեկտոր՝ Ե. Վարդանյանը, ուսումնական գծով պրոռեկտոր՝ Ա. Բարխուդարյանը և անվտանգության վարչության պետ՝ Գ.Գասպարյանը:

Նիստի ընթացքում քննարկվեցին մի շարք հարցեր, այդ թվում նաև ղարաբաղա-ադրբեջանական հակամարտ զորքերի շփման գծի ողջ երկայնքով Ադրբեջանի կողմից սանձազերծված ագրեսիվ գործողությունները: Ուսանողական խորհրդի կողմից ռեկտոր Գ. Գալստյանին զեկուցվեց առաջարկ՝ հավաքագրել առաջին անհրաժեշտության պարագաներ, անհրաժեշտ սնունդ և ուղարկել առաջնագիծ:

Առաջարկը միանշանակ բավարարվեց. ռեկտորի կողմից կտրամադրվի հատուկ լսարան, որտեղ կհավաքվի առաջին անհրաժեշտության պարագաները: ՃՇՀԱՀ ռեկտոր Գ. Գալստյանը մասնավորապես նշեց, որ Արցախի Հանրապետության կառավարությունը թիկունքային և ինժեներական աշխատանքները Պաշտպանության բանակի հետ համադրելու համար ստեղծել է օպերատիվ շտաբ, ստեղծված օպերատիվ շտաբի պարենային ծառայության պատասխանատու է նշանակվել ԼՂՀ գյուղի և գյուղատնտեսության աջակցության հիմնադրամի տնօրեն Աշոտ Բախշիյանը, իրային ծառայության ապահովման մասով` Արցախի ներդրումային հիմնադրամի տնօրեն Արտակ Միրզոյանը:

ՃՇՀԱՀ ռեկտորի և Ուսանողական խորհրդի կողմից տրամադրվող առաջին անհրաժեշտության պարագաները, անհրաժեշտ սնունդը կուղարկվի առաջնագիծ՝ Արցախի Հանրապետության կառավարության կողմից ստեղծված օպերատիվ շտաբի օգնությամբ:

1,551  Ընդամենը Դիտված, 2 Դիտվել է այսօր

05.04.16

1,552  Ընդամենը Դիտված, 3 Դիտվել է այսօր