ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

ERIK-ը միջազգային վերապատրաստման ծրագիր է, որը համակարգվում է Շվեդիայի Լինշոփինգի համալսարանի (Linköping University) կողմից՝ Շվեդական ինստիտուտի Երիտասարդ մասնագետների ակադեմիայի (SAYP) ծրագրի շրջանակում։ Ծրագիրը միտված է ԵՄ Արևելյան գործընկերության (EaP) երկրների երիտասարդ մասնագետների հմտությունների և կարողությունների զարգացմանը, առաջնորդության, կառավարման և գենդերային քաղաքականության հարցերում հավասարության սկզբունքի ամրապնդմանը՝ հիմնվելով ԵՄ արժեքների և ռազմավարական ուղղությունների վրա։

Գենդերային հավասարությունը ժողովրդավարական հասարակությունների և ԵՄ ինտեգրման կարևորագույն սկզբունքներից է։ ԵՄ գենդերային հավասարության ռազմավարությունը (2020–2025), Գենդերային գործողությունների III պլանը (GAP III) և Հորիզոն Եվրոպայի (Horizon Europe) շրջանակում գենդերային հավասարության ծրագրերը (ԳՀԾ) կոչված են իրականացնել կառուցվածքային փոփոխություններ՝ ներառական հավասարության և մասնակցայնության ապահովման համար։ ERIK ծրագիրը նպատակաուղղված է ապագա առաջնորդների և որոշում կայացնողների կարողությունների զարգացմանը՝ ապագայում իրենց կազմակերպություններում և երկրներում կայուն զարգացմանը նպաստելու համար։

Ծրագրի շրջանակում նախատեսվում է վերապատրաստում առցանց եղանակով, ինչպես նաև ամառային դպրոցի անցկացում Լինշոփինգի համալսարանում։ Ծրագրի շրջանակում կստեղծվի գիտելիքի փոխանակման, ինստիտուցիոնալ համագործակցության և երկարաժամկետ գործընկերային ցանցի ձևավորման համար անհրաժեշտ հարթակ։ Մասնակիցները կյուրացնեն գենդերային հավասարության ծրագրերի մշակման, մշտադիտարկման և իրականացման համար անհրաժեշտ գիտելիք և հմտություններ։ Ծրագրի իրականացման արդյունքում ստացված գիտելիքը և հմտությունները թույլ կտան խթանել և զարգացնել ներառական առաջնորդության մշակույթը, գենդերազգայուն մոտեցում կիրառել քաղաքականության մշակման, կառավարման պրակտիկայում։

ERIK ծրագրին կարող են դիմել 25–40 տարեկան մասնագետներ (ԵՄ Արևելյան գործընկերության երկրներից)՝

• ՀՀ կառավարման և տեղական ինքնակառավարման մարմիններում ռազմավարական փաստաթղթերի մշակման գործընթացում ընդգրկված աշխատակիցներ և որոշում կայացնողներ,
• ԵՄ ինտեգրման, կառավարման կամ ժողովրդավարության զարգացման գործընթացով զբաղվող մասնագետներ,
• բարձրագույն կրթության ոլորտի հետազոտողները, որոնք զբաղվում են գենդերային հարցերի հետազոտմամբ կամ մասնակցում են Եվրոպական միության կողմից իրականացվող ծրագրերին (Հորիզոն Եվրոպա),
• գենդերային հավասարության, կառավարման և ռազմավարական բարեփոխումների հարցերով զբաղվող ՀԿ-ների, վերլուծական կենտրոնների կամ քաղաքացիական հասարակության ներկայացուցիչներ,
• պետական ծրագրերի մշտադիտարկման, գնահատման, մարդկային ռեսուրսների և առաջնորդության հարցերով զբաղվող մասնագետներ։

Դիմելու պահանջները՝

• բարձրագույն կրթություն (բակալավր և բարձր),
• համապատասխան մասնագիտական փորձ,
• մոտիվացիա և հետաքրքրություն գենդերային հավասարության ու ժողովրդավարական արժեքների տարածման վերաբերյալ,
• անգլերենի լավ իմացություն:

Հատուկ խրախուսվում են կանանց, խոցելի խմբերի ներկայացուցիչների և ղեկավար պաշտոն զբաղեցնող տղամարդկանց դիմումները։ Գենդերային հավասարության առաջխաղացումը պահանջում է ներառական մասնակցություն բոլոր ոլորտներում։

Դասընթացն անցկացվում է 2025 թվականի նոյեմբերից մինչև 2026 թվականի նոյեմբերը և բաղկացած է երեք մոդուլից՝

Մոդուլ 1․ Գենդերային հավասարության հիմունքները ԵՄ-ում (առցանց)

Մոդուլ 2․ Գենդերային բաղադրիչի ներառումը կառավարման և առաջնորդության գործընթացներում (Լինշոպինգ, Շվեդիա)

Մոդուլ 3․ Գենդերային հավասարության քաղաքականության և իրականացվող գործընթացների մշտադիտարկում և հաշվետվողականություն (առցանց)

Ծրագրի ավարտից հետո մասնակիցները՝  տեղեկացված կլինեն գենդերային հավասարության և ժողովրդավարական կառավարման ԵՄ հայեցակարգային փաստաթղթերին, կունենան անհրաժեշտ գիտելիք և հմտություններ՝ գենդերային հավասարության ծրագրերի (GEP) մշակման և իրականացման համար, կտիրապետեն ներառական առաջնորդության խթանման համար անհրաժեշտ գործիքակազմին, կմշակեն գործողությունների ծրագրեր և ռազմավարական առաջարկներ, կմիանան գենդերային հավասարության և կառավարման հարցերով զբաղվող միջազգային մասնագիտական ցանցերին։

Հիմնական թեմաները՝

• Գենդերային հավասարության խթանում՝ քաղաքականության, կառավարման և առաջնորդության գործընթացներում
• Գենդերային հավասարության ծրագրերի (GEP) մշակում և իրականացում
• ԵՄ շրջանակային ծրագրերի մասնակցության հնարավորություն (GAP III և Horizon Europe ծրագրերը)
• Ներառական առաջնորդության մշակույթի և մասնակցային որոշումների կայացման առաջխաղացում
• Գենդերային հավասարության նախաձեռնությունների մշտադիտարկում և գնահատում

Ծրագրի նկարագրին կարող եք ծանոթանալ հետևյալ հղումով:

Ինչպե՞ս դիմել Պահանջվող փաստաթղթերը՝

• Մոտիվացիոն նամակ
• Երաշխավորական նամակ
• Անգլերենի հավաստագիր
• CV (Europass ձևաչափով)

Խնդրում ենք օգտագործել Շվեդական ինստիտուտի Երիտասարդ մասնագետների ակադեմիայի ծրագրի (SAYP) կողմից պատրաստված ձևանմուշները։

Փաստաթղթերի անվանման ձևաչափը՝ Ձեր ֆայլերն անվանեք՝ օգտագործելով դասընթացի անունը՝ ERIK և Ձեր ամբողջական անունը (օրինակ՝ ERIK_Anahit_Aramyan)։

Դիմումների վերջնաժամկետն է 2025 թվականի օգոստոսի 31-ը, ժամը 23:59 (Կենտրոնական եվրոպական ժամանակով, CET)։

Ընդունելության արդյունքները կհրապարակվեն 2025 թ. սեպտեմբեր-հոկտեմբերին։

Ծրագրի վերաբերյալ հարցերը կարող եք ուղարկել հետևյալ էլ. փոստին՝ անգլերեն լեզվով՝ erik@iei.liu.se

Դիմումներն ընդունվում են հետևյալ հղումով: