(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Մեկնարկեց «IACOBUS+ մշակույթ, ժառանգություն և ներգրավում» ակադեմիական ծրագիրը Լա Կորունյայի UDC համալսարանի, Ռեգենսբուրգի OTH համալսարանի, Կլերմոն Ֆերանի ENSA բարձրագույն դպրոցի և Ճարտարապետության և շինարարության Հայաստանի ազգային համալսարանի (NUACA) միջև։ Ակադեմիական այս ծրագրի հիմքում նախկին՝ IACOBUS ծրագիրն է, որին 1995 թվականից մասնակցել են վերոնշյալ օտարերկրյա բուհերի 1000 ուսանող, դասախոս և փորձագետ: Ճարտարապետության և շինարարության Հայաստանի ազգային համալսարանը «IACOBUS+ մշակույթ, ժառանգություն և ներգրավում» ակադեմիական ծրագրին մասնակցում է 2018 թվականից։ Ծրագրում ներառված է ՃՇՀԱՀ ճարտարապետության տեսության, պատմաճարտարապետական ժառանգության վերականգնման և վերակառուցման, գեղեցիկ արվեստի և պատմության ամբիոնը:
Ծրագրի նպատակն է վերարժևորել մշակութային ժառանգությունը, վերականգնել ու պահպանել մշակութային այն հուշարձաններն ու դրանց շրջակա վայրերը, որոնք վտանգված են կամ գտնվում են անհետացման եզրին: Քայլերը նպատակաուղղված են մշակութային հուշարձաններին նոր շունչ տալուն, վերակենդանացնելուն, ինչը մեծ ազդեցություն կունենա նաև այն համայնքների զարգացման վրա, որտեղ դրանք գտնվում են:
Ծրագիրը եռանպատակ է՝
Նախագծի աշխատանքային մեթոդաբանությունը շրջանային է, այսինքն՝ ծրագիրը մշակված է այնպես, որ ուսանողները յուրաքանչյուր կիսամյակ հնարավորություն ունենան աշխատելու այլ վայրում, այլ երկրում` շարունակաբար ընդգրկվելով նոր նախագծերում:
2021 թ. նախագծի ուսումնասիրության թեման է Լա Կորունյայի ռազմական գործարանը։
Նշված նախագծին առավել մանրամասն կարող եք ծանոթանալ՝ անցնելով նշված հղմամբ:
