(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Դիպլոմի հավելվածը մշակվել է 1996-1998թթ-ին՝ Եվրոպական հանձնաժողովի, Եվրախորհրդի և ՅՈՒՆԵՍԿՕ-ի համատեղ ջանքերով՝ ակադեմիական ու զբաղվածության նպատակով որակավորումների ճանաչումը խթանելու համար:
Սակայն, արդյո՞ք դիպլոմի հավելվածը ծառայում է իր նպատակին, արդյո՞ք բուհերի կողմից իրականացվում են այն 4 հիմնական սկզբունքները, որոնք ներառված են հավելվածում: Այս հարցերի պատասխանները գտնելու, բացթողումները վեր հանելու և շտկելու հնարավորություններ առաջադրելու նպատակով՝ Ակադեմիական փոխճանաչման և շարժունության ազգային տեղեկատվական կենտրոնը մշակեց և 47 ուսումնական հաստատությունների հարցաշար ուղարկեց:
Այսօր, Ակադեմիական փոխճանաչման և շարժունության ազգային տեղեկատվական կենտրոնի (ԱՓՇԱՏԿ) հրավերով, Ճարտարապետության և շինարարության Հայաստանի ազգային համալսարանում էին հավաքվել տարբեր բուհերի ներկայացուցիչներ, ՃՇՀԱՀ-ի պրոֆեսորադասախոսական կազմը և ՀՀ կրթության և գիտության փոխնախարար Գրիշա Թամրազյանը:
Կենտրոնի տնօրեն Գայանե Հարությունյանը հրավիրվածներին ներկայացրեց ԱՓՇԱՏԿ-ի կողմից իրականացված «Դիպլոմի հավելված. արդյոք այն ծառայում է իր նպատակին» ուսումնասիրության արդյունքները, ինչպես նաև դիպլոմի հավելվածի վերամշակված տարբերակի հիմնական փոփոխությունները և թվայնացման հնարավորությունները: Փոխնախարար Թամրազյանը նշեց, որ Կրթության և գիտության նախարարությունը մշտապես բաց է նորարարությունների, կրթության ոլորտը բարելավելու ուղղությամբ ձեռնարկվող բոլոր միջոցառումների և առաջարկների առջև:
Ուսումնասիրությունը բուռն արձագանքի արժանացավ ներկաների կողմից. քննարկեցին հարցաշարերի՝ բուհերից ստացված պատասխանները և հնչեցրին բազմաթիվ առաջարկներ:
