(010) 303-300
Կոռուպցիան ի պաշտոնե տրված իշխանական լիազորությունների չարաշահումն է` անձնական օգուտ ստանալու նպատակով: Այն տարբերակում են «ըստ կանոնների» և «ընդդեմ կանոնների»: Կոռուպցիայի տեսակներից է կաշառքը, առաջին դեպքում կաշառք է տրվում առավել բարեհաճ վերաբերմունքի արժանանալու նպատակով` մի բանի համար, որ կաշառք ստացողը պարտավոր է կատարել օրենքով սահմանված կարգով: Երկրորդ դեպքում կաշառքը տրվում է այնպիսի ծառայության համար, որը կաշառք ստացողը իրավունք չունի տրամադրելու: Ողջ աշխարհում կոռուպցիան մարդկանց կյանքի վրա ազդում է բազմապիսի եղանակներով: Վատագույն դեպքերում, կոռուպցիան սպառնում է մարդկանց կյանքին: Որոշները աշխատում են միայն այն դեպքում, երբ կա լրացուցիչ «վարձատրության» գայթակղություն: Ցանկացած պարագայում, խոշոր և մանր կոռուպցիան կյանքն ավելի է բարդացնում և վտանգում մարդկային կյանքը:
Իր թաքնված բնույթի պատճառով այն դժվար է բացահայտել: Ուստի համալսարանը հորդորում է պայքարել կոռուպցիայի դեմ, նկատելու դեպքում անպայման բարձրաձայնել այդ մասին՝ դիմելով համապատասխան ֆակուլտետի դեկանատ կամ ռեկտորատ:
