Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

ՇՆՈՐՀԱՎՈ’Ր ՏԱՐԵԴԱՐՁԴ, ՆՈՐ ՃԱՐՏԱՐԱՊԵՏՈՒԹՅԱՆԸ ԵՎ ԵՐԵՎԱՆԻՆ ԾՆՈՒՆԴ ՏՎԱԾ ՎԱՐՊԵՏ

Ավանդույթի համաձայն՝ այսօր՝ մարտի 16-ին, Կոմիտասի անվան պանթեոնում և Ալեքսանդր Թամանյանի արձանի մոտ մարդաշատ էր: Հիշում, մեծարում էին մեծ ճարտարապետին և շնորհավորում ծննդյան օրը:

Այնտեղ էին նաև Երևանի գլխավոր ճարտարապետ Արթուր Մեսչյանը, ՀՀ Ճարտարապետների պալատի նախագահ Մկրտիչ Մինասյանը, Քաղաքաշինության կոմիտեի նախագահի պարտականությունները կատարող      Արմեն Ղուլարյանը և Ճարտարապետության և շինարարության Հայաստանի ազգային համալսարանի պատվիրակությունը՝ ռեկտոր Գագիկ Գալստյանը, Ճարտարապետության ֆակուլտետի դեկան Սարգիս Թովմասյանը, դասախոսներ և ուսանողներ:

Նախ՝ ծաղիկներ խոնարհելով պանթեոնում, ներկաները վերհիշեցին Թամանյանի անցած ուղին, Երևանին դիմագիծ, շունչ ու հոգի տալու՝ Նրա ջանասեր աշխատանքային գործունեությունը: Ապա շարժվեցին դեպի Կասկադ, որտեղ ռեկտոր Գալստյանը, խոսելով Թամանյանի արվեստի մասին, մատնանշեց, հատկապես Օպերայի և բալետի ազգային ակադեմիական թատրոնի շքեղագույն հորինվածքը, որի յուրաքանչյուր քարն, ասես, խոսում, երգում և ինչ-որ պատմություն է պատմում:

Հետո՝ նորից հիշողություններ, մեծարումի և երախտիքի խոսքեր՝ հավերժության մեջ միշտ ներկա և անգերազանցելի Ալեքսանդր Թամանյանի մասին:

Նշենք, որ հայ նոր ճարտարապետության հիմնադիր Թամանյանը հեղինակն է Երևանի վերակառուցման ու զարգացման գլխավոր հատակագծի, որի համաձայն՝ Երևանը քաղաք-այգի էր՝ 150 հազար ազգաբնակչությամբ, կառուցապատված 3-4 հարկանի շենքերով և բաժանված առանձին գոտիների:

 

591  Ընդամենը Դիտված, 1 Դիտվել է այսօր

16.03.19

592  Ընդամենը Դիտված, 2 Դիտվել է այսօր