(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Երեկ` փետրվարի 7-ին, երևանյան փողոցներում երիտասարդները մեծ տոնախմբությամբ նշեցին Բուն Բարեկենդանը` Հայ եկեղեցու բարի, կենդանության, ուրախության և լիության օրը, որին հաջորդում է Մեծ պահքը: Երիտասարդները Սուրբ Սարգիս եկեղեցուց դիմակավորված, ազգային երգ ու պարով շարժվեցին դեպի Ազատության հրապարակ` այդպես վերածնելով հին, բայց վերածնված տոնը:
Օպերայի տարածքը ազգային խաղերի, երգ-երաժշտության և դիմակների շքերթի ներքո վերածվել էր իսկական բեմահարթակի: Տոնին, արդեն երկրորդ տարին է, առավել հոգևոր-մշակութային երանգ էր հաղորդում Արարատյան հայրապետական թեմի նախաձեռնած Սուրբ Սարգսին նվիրված ցուցահանդես-վաճառքը, որն ուսանողներին ստեղծագործելու և դեպի սերն ուղղորդելու առիթ է հանդիսանում:
Ճարտարապետության և շինարարության Հայաստանի ազգային համալսարանն այս տարի նույնպես տոնի առաջին շարքերում էր: Համալսարանում մեծ շուքով և Տ. Նավասարդ արքեպիսկոպոս Կճոյանի օրհնությամբ փետրվարի 5-ին բացված ցուցահանդեսի աշխատանքներն այլևս քաղաքացիների դատին էին հանձնված: Տոնի մասնակիցների և անցորդների հիացական հայացքներից ու ջերմ վերաբերմունքից ակնհայտ էր՝ օրը ստացված էր, աշխատանքներն՝ արդեն սիրված:
Հիշեցնենք, որ մոտ օրերս Սուրբ Սարգսին նվիրված ցուցահանդեսի լավագույն աշխատանքները կպարգևատրվեն առաջնորդանիստ Սուրբ Սարգիս եկեղեցում:
