ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ավստրիայի Կարինթիայի երկրամասի Կիրառական գիտությունների համալսարանի (Carinthia University of Applied Sciences) կողմից հայտարարվել է Էռնստ Մախի անվան ուսանողական միջազգային դրամաշնորհային ծրագրի մեկնարկը, որը հնարավորություն է ընձեռում ուսումնառությունը շարունակել Ավստրիայի տվյալ համալսարանում:

Դրամաշնորհային ծրագրին կարող են մասնակցել ուսանողներ՝ մագիստրատուրայի հետևյալ մասնագիտություններով՝

• Հաղորդակցության ճարտարագիտություն (Communication Engineering),
•  Էլեկտրաէներգետիկ և շարժական կապի համակարգեր (Electrical Energy & Mobility             Systems),
• Առողջապահական տեղեկատվական տեխնոլոգիաներ (Health Care IT),
• Ինտեգրալային համակարգերի և սխեմաների մոդելավորում (նախագծում)       (Integrated Systems and Circuits Design),
• Միջազգային բիզնես կառավարում (International Business Management),
• Տարածական տվյալների տեղեկատվության կառավարում (Spatial Information             Management),
•  Համակարգերի մոդելավորում (Systems Design):

Ուսանողներ՝ բակալավրիատի Միջմշակութային կառավարում (Intercultural Management) մասնագիտությամբ:

Ուսուցումը հասանելի է անգլերենով և գերմաներենով:

Դրամաշնորհային ծրագրի բովանդակության և մասնակցության վերաբերյալ մանրամասն տեղեկատվություն հետաքրքրված անձինք կարող են ստանալ՝ այցելելով Կիրառական գիտությունների համալսարանի պաշտոնական կայքէջ հետևյալ հղումով՝ www.cuas.at/en/international կամ նամակով դիմել համալսարանի արտաքին կապերի վարչություն՝ international@fh-kaernten.at հասցեով: