ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Էրազմուս+ KA171 դրամաշնորհային ծրագրի շրջանակում ՃՇՀԱՀ-ը հայտարարում է մրցույթ՝ Վարշավայի կիրառական գիտությունների, տեխնոլոգիայի և արվեստի համալսարանում (University of Technology and Arts in Applied Sciences in Warsaw) 2025-2026 ուստարվա 2-րդ կիսամյակում ուսումնառելու մասին: Ծրագրին կարող են դիմել Դիզայնի ֆակուլտետի բակալավրիատի 2-րդ և 3-րդ կուրսերի «Դիզայն» մասնագիտությամբ ուսումնառող և բարձր առաջադիմություն ունեցող ուսանողներ:  

Մասնակցության համար անհրաժեշտ է ներկայացնել հետևյալ փաստաթղթերը՝

• Ինքնակենսագրություն (EUROPASS ձևաչափով):
• Առաջադիմության մասին տեղեկանք (ՄՈԳ):
• Առկայության դեպքում` անգլերենի տիրապետման հավաստագիր/տեղեկանք (TOEFL կամ IELTS):
• Դիզայն ֆակուլտետի դեկանի և մեկնողի կողմից ստորագրված հիմնավորման նամակ (Motivation Letter)` անգլերենով և հայերենով:

Թեկնածուի ընտրման չափանիշներն են՝ բարձր առաջադիմությունը, անգլերենի իմացությունը, հիմնավորման նամակը (Motivation Letter), հմտություններն ու կարողությունները: 

Փաստաթղթերը անհրաժեշտ է մինչև նոյեմբերի 25-ը, ժամը 15:00, ներկայացնել Դիզայնի ֆակուլտետի դեկանատ:

Մրցույթը կկայանա նոյեմբերի 26-ին, ժամը 15:00-ին, համալսարանի 105 լսարանում: