ՃՇՀԱՀ-ի ռեկտորի ժամանակավոր պաշտոնակատար Եղիազար Վարդանյանի ուղերձը

Ուրախ եմ ողջունելու մեր համալսարանի կայք – էջի բոլոր օգտատերերին, այցելուներին՝ շնորհակալություն նրանց, մեր կայքի նկատմամբ ցուցաբերվող հետաքրքրության և հետադարձ կապ ապահովելու համար։ Ձեր կարծիքը, տեսակետը ու առաջարկները շատ կարևոր են մեզ համար։

ՃՇՀԱՀ-ի այսօրվա կարգախոսն է. <<Համալսարանը՝ ուսանողինն է՝ համալսարանի լոկոմոտիվը պրոֆեսորադասախոսական կազմը>>: Մեր հիմնական քաղաքականությունն է պատրաստել պահանջարկված, բարձրակարգ մասնագետներ և զարգացնել գիտական ներուժը, ի նպաստ մեր երկրի սոցիալ տնտեսական առաջընթացի։ Ապագան այսօրվա ուսանողությանն է։ Նրա ստեղծարար և առաջադեմ մտածողությունը պետության շարժիչ ուժերից մեկն է։ Բացահայտելու այդ ներուժը, ճիշտ ուղղության մեջ այն դնելու և զարգացնելու գործում մեծ ավանդ  և անելիք ունեն նաև մեր ավագ գործընկերները: Գիտությունն առաջ տանելու համար համալսարանում ստեղծվում են բոլոր պայմանները, որոնց նախադրյալներն ունեն 98-ամյա պատմություն:

Պատմություն, որի լուռ վկաներն են Հայաստանի մարզերի, մայրաքաղաք Երևանի ճարտարապետամշակութային կոթողները, շենք շինությունները, փողոցները, ճանապարհները, ենթակառուցվածքները: Հայաստանի ճարտարապետական ժառանգություն հիացրել ու հիացնում են Հայաստան այցելած ցանկացած զբոսաշրջիկի։ Մեր երախտագիտությունն ու շնորհակալությունը բոլոր ժամանակների ճարտարապետներին, շինարարներին, ինժեներներին՝ իրենց կատարած մեծ և անգնահատելի աշխատանքի համար։ Աշխատանք, որը ցանկացած պետության համար ռազմավարական նշանակություն ունի։ 

ՃՇՀԱՀ-ն այսօր ու միշտ եղել և մնում է հավատարիմ գիտության և կրթության զարգացման իր առաքելությանը՝ համագործակցելով և ընդլայնելով միջազգային կապերն ու ծրագրերը։ Համալսարանը հետամուտ է նաև գրեթե մեկ դարյա իր ավանդույթների պահպանմանը, որի առանցքում մարդկային հարաբերություններն են։ Մեր հաջողությունները բոլոր ուղղություններով առաջնահերթ պայմանավորված են պրոֆեսորա-դասախոսական, ադմինիստրատիվ, ինչպես նաև ուսումնաօժանդակ և սպասարկող կազմի բարձր պրոֆեսիոնալիզմով, աշխատանքի հանդեպ նվիրումով։ 

ԵՂԻԱԶԱՐ  ՎԱՀՐԱՄԻ ՎԱՐԴԱՆՅԱՆ

տեխնիկական գիտությունների դոկտոր, պրոֆեսոր

Ծնվել է` 16.06.1979                 

Էլ. հասցե` info@nuaca.am

Քաղաքացիությունը` Հայաստանի Հանրապետություն

Կրթություն

• 2013թ.  Տեխնիկական գիտությունների դոկտորի գիտական աստիճան
• 2008-2011թթ. Երևանի ճարտարապետության և շինարարության պետական համալսարանի (այսուհետև` Համալսարան) դոկտորանտուրա 
• 2004թ. Տեխնիկական գիտությունների թեկնածուի գիտական աստիճան
• 2003թ.-2004թ. Փարիզի ճանապարհների և կամուրջների ազգային դպրոցում (որպես Ֆրանսիայի կառավարության կողմից տրամադրվող կրթաթոշակի շրջանակներում Հայաստանում Ֆրանսիայի դեսպանատան կողմից անցկացված մրցույթի հաղթող)
• 2001-2004թթ. Համալսարանի ասպիրանտուրա
• 1996-2001թթ.  Համալսարանի Տրանսպորտային շինարարության ֆակուլտետ: Որակավորումը` ճարտարագետ:

Մասնագիտական գործունեություն

Գիտական գործունեություն

• 35 տպագրված գիտական հոդված, որոնցից 13-ը` արտասահմանյան գիտական պարբերականներում:
• Տպագրված 2 մեթոդական ձեռնարկ և 2 դասագիրք:
• Մասնակցություն բազմաթիվ հայաստանյան և արտասահմանյան գիտաժողովներում:

Լեզուների իմացություն

• Հայերեն`         լավ
• Ռուսերեն`      լավ
• Ֆրանսերեն`   լավ
• Անգլերեն`       բավարար

Պարգևներ, մեդալներ

• 2012 թվականին պարգևատրվել է ՀՀ կրթության և գիտության նախարարության «Ոսկե մեդալ»-ով, 
• 2015 թվականին պարգևատրվել է Ճարտարապետության և շինարարության Հայաստանի ազգային համալսարանի «Ոսկե մեդալ»-ով, 
• 2016թ. պարգևատրվել է ՀՀ պետական պարգևով «Անանյա Շիրակացի Ոսկե մեդալ»:

Համակարգչային հմտություններ

• Տիրապետում է MS Word, MS Excel, Internet Explorer ծրագրերին:

Կուսակցական պատկանելիություն

• Անկուսակցական:

Ընտանեկան կարգավիճակ

• Ամուսնացած է ունի տղա երեխա

9,099  Ընդամենը Դիտված, 4 Դիտվել է այսօր