(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Ֆրանսիայի մշակույթի նախարարությունը ուսումնասիրելով և փորձաքննության ենթարկելով Ճարտաապետության և շինարարության Հայաստանի ազգային համալսարանի վերջին տարիների ընթացքում իրականացրած կրթագիտական գործունեությունը ու բարեփոխումները՝ վերաճանաչել է Ճարտարապետության և շինարարության Հայաստանի ազգային համալսարանի (ՃՇՀԱՀ) ճարտարապետության ֆակուլտետի դիպլոմը՝ ֆրանսիական պետական դիպլոմին համարժեք: Այն վավեր է 2023-ից մինչև 2027-ը ներառյալ:
Ճարտարապետի պետական դիպլոմը թույլ է տալիս դիպլոմավորված շրջանավարտին Ֆրանսիայում գործունեություն ծավալել որպես աշխատող, ինչպես նաև գրանցվել մասնագիտական դասընթացի «ճարտարապետի պետական դիպլոմ ունեցող սեփական նախագիծ իրականացնելու լիցենզիա» ստանալու համար: Պետության կողմից շնորհված այս լիցենզիան թույլ է տալիս տիտղոսակրին գրանցվել ճարտարապետների միությունների տարածաշրջանային ցանկում՝ նպատակ ունենալով իրականացնել ճարտարապետի մասնագիտական գործունեություն: Այն ստանալու համար վերապատրաստումը կարելի է իրականացնել Ֆրանսիայի ազգային բարձրագույն ճարտարապետական որևէ դպրոցում, Փարիզի ճարտարապետական հատուկ դպրոցում և Ստրասբուրգի կիրառական գիտությունների ազգային ինստիտուտում: Այլ կերպ ասած ճարտարապետները իրենց մասնագիտական գործունեությունը լիիրավ կարող են շարունակել իրականացնել Ֆրանսիայում իրենց գործընկերների իրավունքներին հավասարազոր:
Հիշեցնենք, որ Ֆրանսիայի կառավարության կողմից ՃՇՀԱՀ-ի ճարտարապետության ֆակուլտետի դիպլոմը ստացել է պետական ճանաչում 1994թ-ից, որը ըստ սահմանված կարգի 5 տարին մեկ անցնում է վերաճանաչման գործընթաց։