(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
ՃՇՀԱՀ շինարարության ֆակուլտետի դեկան, տեխնիկական գիտությունների թեկնածու, դոցենտ Դավիթ Գրիգորյանը նշանակվել է ՀՀ քաղաքաշինության կոմիտեի նախագահի տեղակալ:
Դավիթ Գրիգորյանը 2002 թ. գերազանցությամբ ավարտել է Երևանի ճարտարապետության և շինարարության պետական համալսարանը: Մասնագիտությամբ ճարտարագետ-շինարար է: 2005 թ. ստացել է տեխնիկական գիտությունների թեկնածուի աստիճան «Շինարարական կոնստրուկցիաներ, շենքեր, կառույցներ և շինարարական նյութեր» մասնագիտությամբ: Մասնակցել է մի շարք գիտահետազոտական ծրագրերի ու աշխատանքների: 2017 թվականից ղեկավարում է ՃՇՀԱՀ շինարարության ֆակուլտետը: Գիտական հետազոտությունների շրջանակը ներառում է շենքերի և կառույցների նախագծումը, զննումը, ուժեղացումը, գիտահետազոտական հետազոտումներն ու մշակումները: Հեղինակ է մեկ ուսումնամեթոդական ձեռնարկի և տասնյակից ավելի հոդվածների:
Շնորհավորում ենք պարոն Գրիգորյանին՝ մաղթելով արդյունավետ գործունեություն: Համոզված ենք, որ նա, կիրառելով իր գիտելիքները, հմտություններն ու փորձը, կնպաստի Հայաստանում քաղաքաշինության ոլորտի զարգացմանը: