ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ճարտարապետության և շինարարության Հայաստանի ազգային համալսարանը, ԱՄՆ Միջազգային զարգացման գործակալության (USAID) և Ընտրական համակարգերի միջազգային հաստատության (IFES)  հետ համատեղ կիրականացնի նորարարական ինտերակտիվ «Ներգրավված քաղաքացի» անվճար դասընթացը, որտեղ կքննարկվեն` ժողովրդավարության էությունը, սկզբունքները, մարդու իրավունքները և հանրային խնդիրների լուծմանը նպաստող քաղաքացիական մասնակցության ձևաչափերը։

Դասընթացը կվարեն` Էկոնոմիկայի և իրավունքի ամբիոնի վարիչ Տաթև Եդոյանը, համանուն ամբիոնի դասախոս, Նորարարությունների և ձեռներեցության աջակցման կենտրոնի ղեկավար, Լուսինե Հարությունյանը, Ռազմավարական պլանավորման և որակի ապահովման բաժնի գլխավոր մասնագետ, դասախոս Անի Հակոբյանը, ինչպես նաև դասախոսներ Լիանա Օհանյանը  և Հերմինե Աղաջանյանը:

Դասընթացն անցկացվելու է ժամանակակից, հետաքրքրիր մեթոդաբանությամբ, ինչպես օրինակ՝ Continuum, Jigsaw, մարդկային բարոմետր, չորս անկյուն մեթոդները, որոնք կիրառվում են միջազգային տարբեր թրեյնինգների ընթացքում։

Դասընթացի արդյունքում ձեռք կբերեք անձնային աճին նպաստող հետևյալ հմտությունները․

• քննադատական մտածողություն,
• երևույթների վերաբերյալ սեփական կարծիքը ձևավորելու և արտահայտելու ունակություն,
• հանրային խոսքի զարգացում,
• համոզիչ լինելու ունակություն,
• համագործակցելու ունակություն,
• ժամանակը կառավարելու ունակություն,
• բանավիճելու հմտություն:

Դասընթացի ընթացքում ստացած գիտելիքներին զուգահեռ մասնակիցնրը հնարավորություն կունեն հանդես գալու ուսանողական նախաձեռնությամբ՝ մշակելով նախագիծ և աշխատելով լուծել ձեզ մտահոգող որևէ հանրային խնդիր։

Ավարտողներին Ճարտարապետության շինարարության Հայաստանի ազգային համալսարանը կաջակցի լավագույն նախագծերի իրականացմանը հարցում և կտրվի ավարտական վկայական։

Դասընթացը սկսվելու է հոկտեմբերի 24-ից և ընթանալու է 6 շաբաթ: Մասնակցության համար անհրաժեշտ է նախապես գրանցվել մինչև հոկտեմբերի 14-ը հետևյալ հղումով:

Հարցերի դեպքում կարող եք գրել innesc@nuaca.am էլ. փոստի հասցեին, զանգահարել  010- 58-37-73 հեռախոսահամարին կամ մոտենալ  2110 աշխատասենյակ: