(010) 303-300
ՀՀ քաղաքաշինության կոմիտեի նախագահ պ-րն Վ.Վերմիշյանին
ՀՀ ճարտարապետների պալատի նախագահ պ-րն Մ.Մինասյանին
Ճարտարապետության և շինարարության Հայաստանի ազգային համալսարանն իր մտահոգությունն է հայտնում ՀՀ քաղաքաշինության կոմիտեի և ՀՀ ճարտարապետների պալատի հրապարակային հայտարարությունների՝ մասնագիտական գործունեության լիցենզավորման և արտոնագրման ոլորտներում առկա խնդիրների վերաբերյալ, հնչեցրած տրամագծորեն տարբեր դիրքորոշումների շուրջ:
Համալսարանը՝ հանդիսանալով ճարտարապետության և շինարարության ոլորտներում մասնագիտական կադրեր թողարկող միակ բարձրագույն ուսումնական հաստատությունը հանրապետությունում, չի կարող անտարբեր մնալ նշված իրողության նկատմամբ, քանի որ խնդիրն անմիջականորեն առնչվում է մեր շրջանավարտների հետագա մասնագիտական գործունեությանը և աշխատաշուկայում բնականոն և քաղաքակիրթ հարաբերություններ ձևավորելուն:
Ելնելով վերը շարադրվածից, մեր պատրաստակամությունն ենք հայտնում՝ հրապարակային բանավեճը մասնագիտական քննարկումների դաշտ տեղափոխելու համար և այդ նպատակով կազմակերպելու կլոր սեղան՝ բնագավառի պետական ու համայնքային ծառայողների, նախագծային ու շինարարական կազմակերպությունների և համալսարանի պրոֆեսորադասխոսական անձնակազմի ներկայացուցիչների մասնակցությամբ:
Կարծում ենք, որ այդ պարագայում հնարավոր կլինի գտնել փոխադարձորեն ընդունելի լուծումներ բոլոր կողմերի, հատկապես մեր համալսարանի շրջանավարտների նախագծային ու շինարարական գործունեություն իրականացնող տնտեսվարողների համար:
Ճարտարապետության և շինարարության
Հայաստանի ազգային համալսարան
16.01.2020թ.
