(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Օրերս ՃՇՀԱՀ ՋԳՄՕ ամբիոնի դոցենտ, Տեխնիկական գիտությունների թեկնածու, դոցենտ Արթուր Ավետիսյանը հրավիրված էր մասնակցելու Գերմանիայի Դաշնային Հանրապետության Ցվիկաուի Կիրառական գիտությունների համալսարանում իրականացվող կոնֆերանսի, որին մասնակցում էին 70-ից ավելի երկրների ինչպես շրջանավարտներ, այնպես էլ հրավիրյալ գիտնականներ: Հետագա կրթության և վերապատրաստման այս միջոցառմանը, որի նպատակն է կենտրոնանալ «Միջազգային գիտության» ոլորտում առկա միտումների և զարգացումների վրա, հնարավորություն էր ընձեռում ծանոթանալ գերմանական առևտրային ընկերություններին և բազմաթիվ կապեր հաստատել այլ շրջանավարտների, դասախոսների, աշխատակիցների և ուսանողների հետ: Կոնֆերանսի շրջանակներում Արթուր Ավետիսյանը հանդես եկավ դասախոսությունով, որի թեման էր՝ «Կանաչ էներգիայի հեռանկարները Հայաստանի էներգետիկ անվտանգության համատեքստում. միջազգային միտումներ և նոր հնարավորություններ»: Դասախոսության վերջում նախատեսված էր հարց ու պատասխանի հատված, որի ժամանակ ծավալվեցին ակտիվ քննարկումներ, քանի որ թեման հետաքրքիր էր և՛ կազմակերպիչներին, և՛ մասնակիցներին:
«Դասախոսությունում հատուկ ընգծված էր ատոմային էներգետիկան, որը 2022թ. Եվրահանձնաժողովի կողմից ճանաչվել է որպես կանաչ էներգիայի մաս: Այս նպատակով առանձնացրել էի Մեծամորի ատոմակայանի գործունեությունը, գիտատեխնիկական ներուժը, մասնագիտական ներուժը՝ շեշտելով, որ ՀՀ-ն միակ պետությունն է , որը վերագործարկել է արդեն չգործող ատոմակայանը»:-նշեց Պարոն Ավետիսյանը:
Արթուր Ավետիսյանի խոսքով Հայաստանը այս ոլորտում կկարողանա զարգանալ և զարգացնել իր հմտությունները, քանի որ ՀՀ-ն ամենամեծ պոտենցիալ ունեցող երկրներից է:
