(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Ապրիլի 15-24-ը Ղազախստանում էին գտնվում ՃՇՀԱՀ-ի Որակի ապահովման կենտրոնի ղեկավար Վարազդատ Հովհաննիսյանը, Շինարարության ֆակուլտետի դեկան Դավիթ Գրիգորյանը, ՙՇինարարական նյութերի, իրերի և կոնստրուկցիաների արտադրության տեխնոլոգիա՚ ամբիոնի ասիստենտ Ավետիք Արզումանյանը և ԷԷկ ամբիոնի ասիստենտ Հերմինե Սամվելյանը: Մեր պատվիրակությունը Տարազում էր՝ ERASMUS+ ԻննոՍԵՆՍ ծրագրի հրավերով:
Աշխատանքային այցի ընթացքում մեր համալսարանի պատվիրակները մասնակցեցին նորարարական մանկավարժությանը և ձեռներեցությանը վերաբերող աշխատաժողովին, որը ներառում էր նորարարական կարողությունների զարգացման և գնահատման գործընթացի ուսումնասիրությունը: Աշխատաժողովի մյուս բաժինը նվիրված էր ինժեներական բուհերում ձեռներեցության վերաբերյալ գիտելիքների տրամադրմանը, որի շրջանակներում ներկայացվեց ԿԱՆՎԱՍ բիզնես մոդելը, որի շուրջ աշխատաժողովի մասնակիցները ունեցան ունեցան գործնական քննարկումներ:
Նորարարական մանկավարժության ու ձեռներեցության թեմայի շրջանակներում՝ ելույթներով հանդես եկան մեր համալսարանի ներկայացուցիչները և ներկայացրեցին ՃՇՀԱՀ-ում դրանց զարգացմանն ուղղված միջոցառումները:
