(010) 303-300
ՀՀ սփյուռքի նախարարությունից այսօր ՃՇՀԱՀ-ում հյուրընկալվեց պատվիրակություն՝ Համահայկական ծրագրերի վարչության պետ Գագիկ Գյանջումյանի գլխավորությամբ:
Հանդիպմանը մասնակցում էին Սփյուռքահայ ուսանողների խորհրդի հիմնադիր, հոգաբարձուների խորհրդի (ՍՈՒԽ) նախագահ Սամվել Մկոյանը, ՃՇՀԱՀ միջազգային կապերի գծով պրոռեկտոր Վարդգես Եդոյանը, ուսանողներ:
Սամվել Մկոյանը սփյուռքահայ ուսանողներին ներկայացրեց ՍՈՒԽ-ի կատարած աշխատանքները և առաջիկայում սպասվող ծրագրերը:
«Մենք միշտ պատրաստ ենք օգնել և ցանկացած հարցով աջակցել ձեզ». ուսանողներին ասաց Գ. Գյանջումյանը և ներկայացրեց Սփյուռքի նախարարության ծրագրերը: ՃՇՀԱՀ-ում սովորում են սփյուռքահայ երիտասարդներ շուրջ 12 երկրներից:
Եվ որպեսզի նման հանդիպումները լինեն շարունակական և ավելի արդյունավետ, որոշվեց նախարարության հետ կապը սերտացնելու նպատակով նշանակել կոորդիանտորներ սփյուռքահայ ուսանողներից:
Կարճատև քննարկումից հետո միաձայն և մեծ ոգևորությամբ ընտրվեցին երեք ուսանող՝ Լիբանանի, Վրաստանի և Սիրիայի քաղաքացիներ, որոնք խոստացան մեծ պատասխանատվությամբ վերաբերվել իրենց վստահված կարևոր գործին:
