ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

100-ամյա պատմություն ունեցող համալսարան

ՀԻՇԱՏԱԿԴ ՎԱ՜Ռ, ՀԵՐՈ’Ս ԱՐՄԵՆ

Ամեն ինչով հետաքրքրվելու, ուսումնասիրելու, գիր ու գրականության նկատմամբ սերն Արմեն Առուստամյանին 2017թ-ին բերեց մեր համալսարան: Կառավարման և տեխնոլոգիայի ֆակուլտետի ուսանող էր՝ խելացի, նպատակասլաց, պատասխանատու, բարի ու հոգատար. այսպես են նրան հիշում դասախոսները, ընկերներն ու մտերիմները:

Պատասխանատվության զգացումն Արմենի կյանքում բարձր էր որքան ուսման, այնպես էլ Հայրենիքի նկատմամբ: Զինակոչվելով ժամկետային ծառայության՝ ծառայել է որպես կրտսեր սերժանտ, իսկ պատերազմին դեմ առ դեմ կանգնել՝ որպես քաջ մարտիկ ու հերոս հայրենասեր: Մայրը պատմում է, որ յուրաքանչյուր անգամ որդին անմնացորդ հավատով ու լավատեսությամբ էր ասում՝ հաղթելու ենք և վստահ էր, որ արդարությունն անպայման վերականգնվելու է:

Ո՞րն է և որտե՞ղ է արդարությունը հարցերի պատասխաններն, ավաղ, մնացին ծխի սև ամպի հետևում, բայց Արմենն իր արդարությունը գտավ ընկերների կյանքը փրկելու, Հայրենիքի արժանի զավակը լինելու և անմահ հերոս դառնալու մեջ:

Հավե՜րժ փառք քո սխրանքին, հերոս Արմեն:

 

 1,969 просмотров всего,  3 просмотров сегодня

10.12.20

 1,970 просмотров всего,  4 просмотров сегодня