Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

Ճարտարապետության ԵՎ Շինարարության
Հայաստանի ազգային համալսարան

Եվրոպական հավատարմագրում ունեցող համալսարան

ԱՎԵԼԻ ՄԵԾ ԹՎՈՎ ՈՒՍԱՆՈՂՆԵՐ, ԱՎԵԼԻ ՀՈՒՍԱԼԻ ՈՒ ԼՈՒՍԱՎՈՐ ԱՊԱԳԱ

Եթե Դիմորդների ընդունելոթյան բաժնի աշխատակիցները ժպտում են, ուրեմն՝ համալսարանում առաջիկա տարիներին ուսանողների ակտիվությունն ապահովված է:

Ճարտարապետության և շինարարության Հայաստանի ազգային համալսարանում նոր ուսումնական տարին սկսվում է բարի և հեռանկարային լուրով. գրանցել ենք դիմորդների և, արդեն իսկ ուսանողների անհավանական աճ: Ինչպես բաժնի ղեկավար Հայկ Սարգսյանն ուրախությամբ հայտնեց, այս տարի ունենք 556 նոր ուսանող:

Եթե 2017-2018թթ-ին դիմորդների թիվը տատանվում էր 300-500-ի սահմաններում, ապա այս տարի մեր համալսարանում ուսանելու ցանկություն է հայտնել 574 դիմորդ, ինչը լուրջ փաստարկ է ինչպես մեր բուհի, այնպես էլ կրթության նկատմամբ մեծացած հետաքրքրության:

Հարկ է նշել, որ ընդունված 556 դիմորդներից 109-ը Ճարտարապետություն ֆակուլտետն է դիմել, 59-ը՝ Շինարարություն, 143-ը՝ Դիզայն, 195-ը՝ Կառավարում և տեխնոլոգիա և 50-ը՝ Քաղաքային տնտեսություն և էկոլոգիա:

Արդեն օրեր անց, սրտաբաց ու գրկաբաց կդիմավորենք փոքր, անվստահ, բայց ճիշտ ու մտածված քայլերով մեր համալսարան ոտք դրած նորաթուխ ուսանողներին և կասենք՝ բարի՜ գալուստ մեր մեծ ընտանիք: 

923  Ընդամենը Դիտված, 1 Դիտվել է այսօր

20.08.19

924  Ընդամենը Դիտված, 2 Դիտվել է այսօր