(010) 303-300

ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

100-ամյա պատմություն ունեցող համալսարան

ԱՄՓՈՓՎԵՑ ԿԱԴԱՍՏՐԻ ԿՈՄԻՏԵԻ ՎԵՐԱՊԱՏՐԱՍՏՄԱՆ ԴԱՍԸՆԹԱՑԻ 2-ՐԴ ՓՈՒԼԸ

2022թ․ հոկտեմբերի 20-ից դեկտեմբերի 14-ն ընկած ժամանակահատվածում Ճարտարապետության և շինարարության Հայաստանի ազգային համալսարանում (ՃՇՀԱՀ) իրականացվել է Երկրատարածական տվյալների կառավարման (ԱՏՀ/GIS) մասնագետների վերապատրաստման ծրագրի 2-րդ փուլը։

Կադաստրի կոմիտեի և հանրային կառավարման այլ մարմինների միջև տվյալների փոխանակումը դյուրացնելու ու դրանց հավաստիությունը բարձրացնելու համար նպատակահարմար է, որ այդ մարմինները անհրաժեշտ քարտեզագրական և այլ տվյալներ ոչ թե նամակագրությամբ ստանան կամ առցանց եղանակով ներբեռնեն, այլ անմիջականորեն աշխատեն միևնույն աշխարհագրական տեղեկատվական համակարգով (ԱՏՀ)՝ ունենալով տարբեր տեսակի տարածական տվյալների համապատասխան հասանելիություն։ Հենց այդ նպատակով, անցկացվել է համակարգում ընդգրկված կառույցների տեխնիկական անձնակազմի վերապատրաստման դասընթացների 2-րդ փուլը, որի արդյունքում մասնակիցները ստացել են գործնական և տեսական գիտելիքներ, տրամադրվել են ուղեցույցներ։

Վերապատրաստման դասընթացն ընդգրկել է ԱՏՀ ծրագրավորման, վերլուծության, մոդելավորման, ինչպես նաև օդատիեզերական լուսանկարների մշակման, վերլուծության, ֆոտոգրամետրիայի վերաբերյալ թեմաներ։

Ծրագրի ավարտին մասնակիցներին վկայականներ է հանձնել ՃՇՀԱՀ աշխատակազմի ղեկավար Հովսեփ Հովեյանը՝ ընդգծելով, որ բուհը շատ կարևորում է պետական կառավարման մարմինների և ակադեմիական միջավայրի համագործակցությունը, քանի որ այստեղ են ծնվում իրական խնդիրների լուծման ուղիները: Նման համագործակցությունները միանշանակ տալիս են դրական արդյունքներ:

 123 просмотров всего,  3 просмотров сегодня

30.12.22

 124 просмотров всего,  4 просмотров сегодня