ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Էկոնոմիկայի, իրավունքի և կառավարման ամբիոնի դասախոս Աննա Գրիգորյանը մարտի 16-ին, 18-ին և 19-ին՝ ժամը 15.00-ին, 2021 լսարանում վարելու է փոխգործուն (ինտերակտիվ) սեմինարների շարք:

Սեմինարավար Ա. Գրիգորյանն ունի 7 տարվա փորձառություն (մարդկային ռեսուրսների (HR) մենեջեր Մաջիդ Ալ Ֆութաիմ Հայփերմարքեթ Էլ ԷՄ ՍՊԸ-ում) և 2016-2019 թթ. Դուբայում ու Թբլիսիում մասնակցել է մի շարք վերապատրաստման դասընթացների ու թրեյնինգների:

Սեմինարների երկրորդ և երրորդ օրերին կլինեն նաև հրավիրյալ մասնագետներ՝ Մարիանա Էդիլյանը (ID բանկում կադրերի գծով տնօրեն) և Աննա Ակուլյանը («Ռոսնեֆտ Արմենիա» ՓԲԸ-ում կադրերի գծով ավագ մենեջեր):

ԱՌԱՋԻՆ ՕՐ ՝ մարտի 16 – «CV-ի ուժը»

Սեմինարի առաջին օրը մասնակիցներին կներկայացվեն.

· ի՞նչ է ինքնակենսագրականը (CV) և ի՞նչ նշանակություն ունի,

· ի՞նչ բովանդակություն պիտի ունենա CV-ին,

· գործունեության ոլորտներով պայմանավորված՝ ի՞նչ կառուցվածքային առանձնահատկություններ ունի CV-ին,

· որո՞նք են CV կազմելու վերջին միտումները,

· CV-ում առավել տարածված 5 սխալները:

ԵՐԿՐՈՐԴ ՕՐ ՝ մարտի 18 – «Հարցազրույցի կանաչ ու կարմիր լույսերը»

Սեմինարի երկրորդ օրը մասնակիցներին կներկայացվեն.

· հարցազրույցների կանաչ ու կարմիր լույսերը,

· ինչպե՞ս ավելի լավ տպավորություն թողնել կամ ներկայանալ գործատուին,

· առավել հաճախ հնչող հարցերը, օրինակ՝ հարցազրույցից հետո զանգահարե՞լ գործատուին, թե՞ ոչ,

ԵՐՐՈՐԴ ՕՐ ՝ մարտի 19 — «Ինչպե՞ս ներկայանալ գործատուին»

Սեմինարի երրորդ օրը մասնակիցներին կներկայացվեն.

· CV-ին որպես «վաճառքի առարկա»,

· ի՞նչ բովանդակությամբ նամակ (Cover letter) կցել CV-իին,

· ինչպե՞ս ներկայանալ գործատուին առավել շահեկան դիրքից,

· ինչպե՞ս հաղթահարել փորձաշրջանը և դրան առնչվող դժվարությունները:

Սեմինարը կամփոփվի հարց ու պատասխանով: Մասնակիցները հնարավորություն կունենան տեղում կազմելու CV և ստանալու մասնագիտական խորհրդատվություն, գործնական օրինակի վրա կիրականացվի նաև աշխատանքի ընդունման հարցազրույցների մոդելների վերարտադրում:  Սեմինարների տևողությունը երկու ժամ է:

Սեմինարները նպատակաուղղված են՝ օգնելու երիտասարդներին հաղթահարել աշխատանքի ընդունման նախնական փուլի դժվարությունները, ձեռք բերել գործատուին պատշաճ ներկայանալու ու փորձաշրջանն արդյունավետ անցնելու հմտություններ: