ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Էրազմուս+ KA171 դրամաշնորհային ծրագրի շրջանակում Ճարտարապետության և շինարարության Հայաստանի ազգային համալսարանը հայտարարում է մրցույթ՝ 2026–2027 ուստարվա առաջին կիսամյակում Իտալիայի Կիետի-Պեսկարայի համալսարանում (University “G. d’Annunzio” Chieti–Pescara) ուսումնառելու համար (2 տեղ):

Մրցույթին կարող են դիմել Ճարտարապետության ֆակուլտետի բակալավրիատի 3-րդ կուրսի՝ բարձր առաջադիմությամբ ուսանողները, որոնք տիրապետում ենանգլերենին։ 

• Կիետի-Պեսկարայի համալսարանի մասին տեղեկատվություն` https://en.unich.it/
• Անգլերենով դասավանդվող առարկայացանկ` https://www.unich.it/international/international-students/courses-held-english
• Բոլոր դասընթացների մասին տեղեկատվություն` https://unich.coursecatalogue.cineca.it/
• Օտար լեզվի տիրապետման վերաբերյալ տեղեկատվություն` https://academy.europa.eu/

Մասնակցության համար անհրաժեշտ են հետևյալ փաստաթղթերը.

• Ինքնակենսագրություն (CV)՝ անգլերենով:
• Հիմնավորման նամակ (Motivation Letter)՝ հայերենով և անգլերենով:
• Օտար լեզվի իմացության վկայական:

Ընտրությունը կիրականացվի մրցութային կարգով։

 Ընտրության չափանիշներ.

• Առաջադիմություն (ՄՈԳ):
• Օտար լեզվի իմացություն:
• Հաղորդակցման հմտություններ և կարողություններ:

Փաստաթղթերն անհրաժեշտ է ներկայացնել Ճարտարապետության ֆակուլտետի դեկանատ մինչև մայիսի 13-ը՝ ժամը 16:00-ն:

Մրցույթը կկայանա մայիսի 14-ին՝ ժամը 15։00-ին, 2021 լսարանում։

Մրցութային հանձնաժողովում ընդգրկված Ֆակուլտետի ներկայացուցիչներին խնդրում ենք մինչև մրցույթի անցկացումը իրականացնել երկու բուհերի համապատասխան կրթական ծրագրերի առարկայական համադրելիության գնահատում և դրա արդյունքները հաստատել՝ ստորագրելով առարկաների համադրելիությունը հավաստող համապատասխան փաստաթուղթը: