ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Սիրելի՛ ՃՇՀԱՀ նախապատրաստական դասընթացների լրացուցիչ կրթական ծրագրի ուսումնառող,

տեղեկացնում ենք, որ այսուհետ կարող եք օգտվել կրթության ծառայությունների գծով կատարված սոցիալական ծախսերի փոխհատուցման իրավունքից՝ համաձայն ՀՀ Կառավարության 29.06.2023թ. N 1067-Ն «Սոցիալական ծախսերի տեսակների առանձին ուղղությունները, ընտանիքի անդամների շրջանակը և սոցիալական ծախսերի փոխհատուցման առավելագույն չափերը սահմանելու մասին» որոշման։

Սոցիալական ծախսերի փոխհատուցում ստանալու համար անհրաժեշտ է կրթական հաստատությունից պահանջել հաշվարկային փաստաթուղթ, ներկայացնելով անձը հաստատող փաստաթուղթ և հանրային ծառայությունների համարանիշ։

Եթե սոցիալական ծախսը կատարվում է Ձեր ընտանիքի անդամի համար, սակայն հայտարարատուն Դուք եք, ապա պետք է ներկայացնեք նաև ընտանիքի անդամի անձը հաստատող փաստաթուղթը և հանրային ծառայությունների համարանիշը, ինչպես նաև ընտանիքի անդամ հանդիսանալու փաստը հիմնավորող փաստաթղթերը (ամուսնու դեպքում` ամուսնության վկայական, ծնողի դեպքում` ծնողի անձը հաստատող փաստաթուղթ  և  հայտարարատուի ծննդյան վկայական, զավակի դեպքում` ծննդյան վկայական, որդեգրողի, որդեգրվածի դեպքում` որդեգրելու կամ որդեգրվելու համապատասխան հիմքը հաստատող փաստաթուղթ):

Հարցերի դեպքում դիմել ընդունելության և կարիերայի բաժին ( ք. Երևան, Տերյան 105, 2-րդ մասնաշենք, 2125 աշխատասենյակ) կամ զանգահարել 010 58-01-56, 010-303-300 (ներքին համար 9-33)։