ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Հայ օգնության ֆոնդը (ՀՕՖ) «Ժիրայր Նիշանյան հիմնադրամի կրթավճար» ծրագրի շրջանակում հայտարարում է կրթավճարի մրցույթ՝ ՃՇՀԱՀ բակալավր ընդունված առկա ուսուցմամբ առաջին կուրսեցիների համար: Ծրագիրը նախատեսում է Ժիրայր Նիշանյան հիմնադրամի կողմից ֆինանսական օգնության տրամադրում` համալսարանի տարեկան կրթավճարի համար, և կրթաթոշակ` գրքերի և գրենական պիտույքների համար:

Մրցույթին կարող են մասնակցել այն ուսանողները, որոնք

• ընդունվել են ՃՇՀԱՀ՝ դիզայնի, արդյունաբերական, ճարտարապետության և քաղաքացիական շինարարության ֆակուլտետների առկա ուսուցմամբ առաջին կուրս,
• ունեցել են բարձր առաջադիմություն դպրոցում, միասնական և ԲՈՒՀ-ի քննությունները հանձնել են գերազանց կամ լավ գնահատականներով,
• սոցիալապես անապահով ընտանիքներից են:

«Ժիրայր Նիշանյան հիմնադրամի կրթավճար» ծրագրի մրցույթին մասնակցելու կարգը․
Վերոհիշյալ պայմաններին համապատասխանող ՃՇՀԱՀ-ի ուսանողները պետք է 2023թ.  հուլիսի 18-ից օգոստոսի 4-ը ներառյալ ք. Երևան, Մովսես Խորենացի 22 հասցեում գտնվող ՀՕՖ-ի Հայաստանի մասնաճյուղ ներկայացնեն, կամ էլ․ փոստով edik.karapetyan@far.am; mane.khachatryan@far.am; ուղարկեն հետևյալ փաստաթղթերը.

• Դիմում (ձևը ստանալու համար կարող եք նաև դիմել վերոհիշհալ հասցեներով կամ ՀՕՖ-ի ֆեյսբուքյան էջին facebook/ Farusa (Fund for Armenian relief)
• Անձնագրի պատճեն,
• 1 լուսանկար (3×4 սմ չափսի),
•  միջնակարգ կրթության վկայականի պատճեն,
• ԲՈՒՀ ընդունվելու մասին ՀՀ ԿԳՄՍ նախարարության ԳԹԿ-ի կողմից հաստատված ցուցակի պատճեն կամ ԲՈՒՀ-ի տեղեկանքը։
• միասնական և բուհում հանձնած քննությունների գնահատականների մասին տեղեկանք,
• ընտանիքի անապահովության միավորի մասին տեղեկանք (առկայության դեպքում),
• տեղեկանք ծնողների աշխատավայրից՝ նրանց աշխատանքի և աշխատավարձի վերաբերյալ։ Եթե չեն աշխատում՝ տեղեկանք զբաղվածության տարածքային կենտրոնից կամ աշխատանքային գրքույկի պատճեն՝ պարզաբանումով ներկա զբաղվածության կամ չաշխատելու պատճառի մասին։
• հակիրճ ինքնակենսագրություն՝ նշելով, թե ինչու եք դիմել տվյալ ծրագրին:

Թերի փաստաթղթերը չեն դիտարկվի: Շահառուների ընտրությունը տեղի է ունենալու 2 փուլով:

1. Ներկայացված փաստաթղթերի քննում,
2. Հարցազրույց դիմումատուի հետ:

Ծրագրում ուսանողի ընդգրկման որոշումը կայացնելու է ՀՕՖ-ի կրթական ծրագրերի հանձնաժողովը օգոստոսի 29-ից 31-ը: Լրացուցիչ տեղեկությունների համար կարող եք զանգահարել 060526660 հեռախոսահամարով: