(010) 303-300
Ճարտարապետության և շինարարության Հայաստանի ազգային համալսարանի Միջին մասնագիտական կրթության քոլեջում խոնարհումի և մեծարման օր էր: Պատերազմի կրակներում անմահացած հերոսների շարքերում էին նաև քոլեջի ուսանողներ Առաքելյան Արմանը, Սառիկյան Սարգիսը և շքանշանակիր Վասիլյան Հովհաննեսը:
Հիշատակի միջոցառմանը ներկա էին պատերազմից վերադարձած հերոսները, նրանց և զոհված քաջորդիների ընտանիքի անդամները և Արցախի հերոս Արկադի Տեր-Թադևոսյանը: Մեկ րոպե հարգանքի լռությամբ մեկնարկած միջոցառումը շարունակվեց հերոսների մասին հուշապատումներով, հերոսածին մայրերի պարգևատրմամբ, ապա՝ ՙՀայրենասիրության ոգեշնչման՚ լսարանի բացմամբ:
Հայկական բանակի կազմավորման 29 ամյակի և հերոսների ոգեկոչման ու մեծարման միջոցառման շրջանակում՝ քոլեջի ղեկավարության կողմից պատվոգրով պարգևատրվեց նաև Աշոտ Տեր-Թադևոսյանը՝ բանակաշինության գործում ունեցած ավանդի և քոլեջի հետ երկարամյա համագործակցության համար:
