(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Այսօր Ճարտարապետության և շինարարության Հայաստանի ազգային համալսարան էր այցելել Բելառուսի Շինարարների միության պատվիրակությունը՝ նախագահ Նիկոլայ Շերեմետի գլխավորությամբ:
Այցի նպատակը Բելառուսի Շինարարների միության և ՀՀ Շինարարների միության միջև համագործակցության պայմանագրի կնքումն էր: Բելառուսական պատվիրակության անդամների և մեր համալսարանի պրոֆեսորադասախոսական անձնակազմի ներկայությամբ՝ Բելառուսի Շինարարների միության նախագահ Նիկոլայ Շերեմետը և ՀՀ Շինարարների միության նախագահ, ՃՇՀԱՀ-ի ռեկտոր Գագիկ Գալստյանը ստորագրեցին շինարարության և ճարտարապետության առաջընթացը համատեղ ուժերով ապահովելու, կադրերի վերապատրաստման, փորձի, ոլորտի նորարարությունների փոխանակման մասին համագործակցության պայմանագիր:
Կողմերը հույս հայտնեցին, որ պայմանագիրն առավել կամրապնդի հայ-բելառուսական կապը և կխթանի համատեղ շինարարական ու ճարտարապետական նախագծերի իրականացմանը:
