ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ավարտվեցին մասնագիտական կողմնորոշմանն ուղղված այցերը երևանյան ավագ դպրոցներ և միջին մասնագիտական կրթության քոլեջներ: Ճարտարապետության և շինարարության Հայաստանի ազգային համալսարանի Ընդունելության բաժնի, Կարիերայի կենտրոնի և Ուսանողական խորհրդի նախաձեռնությամբ՝ արդեն ավանդույթ դարձած ճանաչողական այցերի նպատակն է կազմակերպել և իրականացնել մասնագիտական կողմնորոշմանն ուղղված զրույցներ սովորողների,  նրանց ծնողների հետ, բաժանել համալսարանում առկա մասնագիտությունները նկարագրող տեղեկատվական թերթիկներ:

Նշենք, որ մեր համալսարանի պատվիրակության՝ դպրոցներ այցին զուգահեռ, ամբողջ ուսումնական տարվա ընթացքում ընդունելության շեմին կանգնած երիտասարդները հյուրընկալվել են մեր համալսարանում, ծանոթացել համալսարանի տարածքին, կառուցվածքին, գործող լաբորատորիաներին, տեխնիկապես հագեցած լսարաններին, միջազգային կապերին ու համագործակցություններին, ձեռքբերումներին և ուսանողների ու շրջանավարտների աշխատանքներին: