ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ճարտարապետության և շինարարության Հայաստանի ազգային համալսարանը Էրազմուս+ KA171 միջազգային շարժունության ծրագրի շրջանակում հայտարարում է մրցույթ՝ Իսպանիայի Կորունյայի համալսարանում (Universidade da Coruña) 2024-2025 ուստարվա 2-րդ կիսամյակում «Շինարարություն», «Ճարտարապետություն» ուղղություններով ուսումնառության վերաբերյալ:

Մրցույթին կարող են մասնակցել համալսարանի Շինարարության, Ճարտարապետության ֆակուլտետների բակալավրիատի 3-րդ կուրսի, մագիստրատուրայի 1-ին կուրսի ուսանողները: 

Իսպանիայի Կորունյայի համալսարանում բակալավրիատի կրթական ծրագրերը իրականացվում են բացառապես իսպաներենով: Մրցույթին կարող են դիմել իսպաներենին լավ տիրապետող բակալավրիատի ուսանողներ, կրթական ծրագրերին ծանոթանալու համար կարող եք անցնել հետևյալ հղումով:

Մագիստրատուրայի կրթական ծրագրերը իրականացվում են անգլերենով: Մրցույթին կարող են դիմել անգլերենին լավ տիրապետող մագիստրատուրայի ուսանողներ,  կրթական ծրագրերին ծանոթանալու համար խնդրում ենք անցնել հետևյալ հղումով:

Մասնակցության համար անհրաժեշտ է ներկայացնել հետևյալ փաստաթղթերը՝

• Ինքնակենսագրություն (EUROPASS ձևաչափով),

• Առաջադիմության վերաբերյալ տեղեկանք (ՄՈԳ),

• Օտար լեզվի տիրապետման հավաստագիր/տեղեկանք` առկայության դեպքում,

• Ֆակուլտետի դեկանի և դիմումատուի կողմից ստորագրված հիմնավորման նամակ (Motivation Letter)՝ անգլերենով և հայերենով:

Ուսանողների ընտրության հիմնական չափանիշներն են՝ բարձր առաջադիմությունը, օտար լեզվի իմացությունը, հիմնավորման նամակը (Motivation Letter):

Փաստաթղթերն անհրաժեշտ է մինչև նոյեմբերի 22-ը ներկայացնել համապատասխան ֆակուլտետների դեկանատներ:

Մրցույթը կիրականացվի հարցազրույցի ձևաչափով և կանցկացվի նոյեմբերի 25-ին, ժամը՝ 15:30-ին, 2021 լսարանում: