ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ճարտարապետության և շինարարության Հայաստանի ազգային համալսարանում իրականացավ TalentCode կարիերայի զարգացման դասընթացների կենտրոնի կազմակերպած սեմինարը: ՃՇՀԱՀ էր այցելել համանուն կազմակերպության HR մասնագետ Գայանե Ավետիսյանը: Վերջինս ուսանողներին ներկայացրեց ինչպես մուտք գործել այժմյան աշխատաշուկա, ճիշտ CV կազմել, պատրաստվել հարցազրույցներին, օպտիմիզացնել LinkedIn-ի էջը և մի շարք այլ հարցեր:

Գայանե Ավետիսյանը ներկայացնելով իր փորձը նշեց. «Շատ տաղանդավոր ուսանողներ, սխալ CV կազմելու և հարցազրույցներին ճիշտ չներկայանալու պատճառով դուրս են մնում իրենց մասնագիտական ոլորտից: Այսօր շատ կարևոր է ճիշտ ներկայանալը և այս սեմինարը մեծամասամբ միտված է դրան»:

Սեմինարի ընթացքում ներկայացվելիք թեմաները ուսանողներին բացատրվում էր օրինակների միջոցով։

Հանդիպման ավարտին տիկին Մարգարյանը նշեց սեպտեմբերի 29-ին կայանալիք  մասնագիտական կողմնորոշմանը նվիրված երկրորդ լայնամասշտաբ Talent Connect Vol. 2 միջոցառման մասին, որին մասնակցություն է ունենալու նաև ՃՇՀԱՀ-ը՝ «Ժամանակակից տեխնոլոգիաները նախագծերի և շինարարության ոլոտում» թեմայով: