ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Սիրելի դիմորդ․
2021-2022 առկա ուսումնական տարվա ընդունելության դիմում-հայտերն ընդունվում են ապրիլի 15-ից մինչև մայիսի 10-ը ներառյալ: Անվճար և վճարովի ուսուցման ընդունելության մրցույթներն անցկացվելու են երկու փուլով՝ հիմնական և լրացուցիչ:
Դիմում-հայտերն ընդունվում են առցանց Գնահատման և թեստավորման կենտրոնի (ԳԹԿ) կողմից գործարկված dimord.am կայքի միջոցով:                           

Հիմնական փուլի հայտագրումը տեղի կունենա ապրիլի 15-ից մինչև մայիսի 10-ը ներառյալ: Նրանք իրենց դպրոցից կստանան նաև ԳԹԿ-ի կողմից յուրաքանչյուր դիմորդին տրվող անհատական ծածկագիրը, որից հետո կարող են ԳԹԿ-ի dimord.am կայքում լրացնել ընդունելության դիմում-հայտը` ըստ հաստատված ձևի: Նախորդ տարիների շրջանավարտների հայտագրմանն աջակցելու նպատակով ընտրվել են դպրոցներ, որոնց ցանկը հրապարակվել է ԳԹԿ կայքում: Դիմորդին չի թույլատրվելու ներկայացնել ընդունելության մեկից ավելի դիմում-հայտ: Բուհեր կարող են ընդունվել միջնակարգ, նախնական մասնագիտական կամ միջին մասնագիտական կրթություն ունեցող անձինք՝ առանց տարիքային սահմանափակման:
 

Երկրորդ փուլի հայտագրման գործընթացը սկսվելու է հունիսի 26-ին և ավարտվելու է հուլիսի 1-ին: Երկրորդ փուլում կկատարվի նախորդ տարիների շրջանավարտների, ինչպես նաև նախնական արհեստագործական և միջին մասնագիտական ուսումնական հաստատություններ ավարտածների հայտագրումը: Առաջին փուլով հայտագրված դիմորդները քննությունները հանձնելու են հունիսին, իսկ երկրորդ փուլով հայտագրվածները` հուլիսի 2-8-ն ընկած ժամանակահատվածում: Քննությունների ավարտից հետո տեղի կունենա ընդունելության մրցույթի հիմնական փուլի ամփոփումը, որի արդյունքները կհրապարակվեն հուլիսի 18-ին:

Ընդունելության քննությունների ավարտից և ընդունելության հիմնական փուլի արդյունքների ամփոփումից հետո, ըստ թափուր մնացած տեղերի, կկատարվի ընդունելության լրացուցիչ կամ երկրորդ փուլի հայտագրումը, որին կարող են մասնակցել ընդունելության քննություններից դրական միավորներ ստացած, սակայն հիմնական փուլի մրցույթից դուրս մնացած դիմորդները: Լրացուցիչ փուլի հայտագրումը կատարվելու է հուլիսի 19-26-ը՝ դիմում-հայտը dimord.am կայքում առցանց լրացնելու տարբերակով:

Երկրորդ փուլում դիմորդները հնարավորություն ունեն վճարովի և անվճար համակարգերով հայտագրելու 6 մասնագիտություն` ըստ իրենց հանձնած միասնական քննությունների: 2021-2022 ուսումնական տարվա ընդունելության համար դիմորդները կհանձնեն երկու միասնական քննություն: Ընդունելության վերջնական արդյունքները կամփոփվեն և կհրապարակվեն հուլիսի 30-ին: ՃՇՀԱՀ մասնագիտությունների ցանկին և վարձավճարներին կարող եք ծանոթանալ հետևյալ հղմամբ:

Ընդունելության հետ կապված հարցերի դեպքում զանգահարեք ՝ 010 58 01 56 հեռախոսահամարով։

 104,311 просмотров всего,  38 просмотров сегодня