ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ընդհանուր տեղեկատվություն այն մասին, թե ինչով է զբաղվում տվյալ մասնագետը իր գործունեության շրջանակներում․

Ինտերիերի և էքստերիերի դիզայների նախագծային գործունեությունը ընդգրկում է հետևյալ մասնագիտացված ուղղվածությունները, որոնցից են՝

• քաղաքային միջավայրի և լանդշաֆտի հատակագծային և ծավալատարածական օբյեկտների նախագծում, տարբեր բնույթի և ֆունկցիոնալ նշանակության տարածքների բարեկարգում և րեգեներացիա,
• բնակելի, հասարակական ու արտադրական տարածքների ինտերիերների, էքստերիերի և դրանց առարկայական միջավայրի, քաղաքային, պուրակային տարածքների միջավայրային օբյեկտների հայեցակարգային և նախագծային մշակումներ, 
• բազմաբնույթ միջավայրների կահավորման մշակումներ /տաղավարներ, արևապաշտպան ծածկեր, գովազդային և տեղեկատվական վահանակներ, փողոցային “կահավորանք’’, մանկական խաղահրապարակներ, շատրվաններ, ցուցանակներ, պորտալներ, տրանսպորտային սպասարկման գոտիներ, ավտոկայանատեղիներ, քաղաքային հանգստի գոտիներ, մանր դիզայն էլեմենտներ և այլն:  
• Հանգստի, ժամանցի, միջոցառումների և ցուցահանդեսների  կազմակերպման ֆունկցիոնալ-տարածական միջավայրի նախագծում:

 Մասնագետի առջև դրված հիմնական խնդիրները, որոնք նա լուծում է իր մասնագիտական գործունեության շրջանակներում․

Մասնագետի առջև դրված հիմնական խնդիրներն են

• գեղարվեստական և ինտելեկտուալ ունակությունների և նախագծային գործունեության նախադրյալների ներդնումը նախագծային արդյունքներում,
• ստեղծագործական պատկերացման, դիզայներական մտածողության ՝ միջավայրային օբյեկտների նախագծման և յուրատիպ մտահղացումների ներդնում:
• նախագծային գործընթացի բնույթի, ինչպես նախագծային արդյունքի փուլային ձևավորման մշակման մեթոդի սկզբունքային մոտեցման կիրառումը նախագծային գործունեության մեջ:
• տարբեր բնույթի ու նշանակութան ինտերիերների կազմակերպման, ձևաստեղծման և ներդաշնակության դիզայներական ու գեղավեստական հնարքների կիռառումը արդի տեխնոլոգիաների կիռառմամբ: 
•  նախագծային լուծումների իրագործման մեթոդների իմացություն, պրակտիկ գործունեության կազմակերպման ու անցկացման տիրապետում: Դրանք են` խնդրի առաջ բերում — նախագծային խնդիրների կոնկրետացում – մինչնախագծային վերլուծություն — մշակում — նախագծի իրագործում: 

• Ի՞նչ առանձնահատկություններ և «դրական» կողմեր ունի մասնագիտությունը:

«Միջավայրի դիզայն» կրթական ծրագիրը այսօր բավական արդիական է և շուկայում նրա տեղն ու դերը զգալի նշանակալի է: Մասնագիտությունը իր ստեղծագործական բնույթով առնչվում է հարակից շատ ու շատ այլ մասնագիտությունների հետ, որոնք իրենց չափաբաժին ներդրումներով նախագծային միտքը հասցնում են տրամաբանական, պրակտիկ արդյունքի:

Ի՞նչ հիմանական կարողություններ, հմտություններ և անձնային առանձնահատկություններ են անհրաժեշտ տվյալ մասնագիտությունը ուսումնառելու և հետագայում մասնագիտական արդյունավետ գործունեություն ծավալելու համար:

Հմտություններն ու կարողություններ են՝

• դիզայնի բնագավառում քաղաքային միջավայրի բարեկարգման նախագծային հմտություն,   
• ինչպես գրավոր, այնպես էլ բանավոր մասնագիտական խոսքի   զարգացման հմտություն,
• ստեղծագործական համեմատականների անցկացման հմտություն, 
• տիպաբանական և հորինվածքային վերլուծության հմտություն,
• գիտահետազոտական տրամաբանության կայացման և    սխեմավորման արողություն,
• ընտրված օբյեկտի չափագրման կարողություն,
• նախագծային արդյունքի ձևի և բովանդակության գնահատման կարողություն,
• նախագծային հայեցակարգերի պարզաբանման, շինարվեստի վերլուծության կարողություն,
• ինտերիերի և էքստերիերի համալիր դիզայն նախագծման, ձևավորման և կահավորման խնդիրների պարզաբանման կարողություն, 
• նախագծային լուծումների, բաղադրիչ տարրերի և աքսեսուարների մշակման կարողություն,
• ժամանակակից շինարարական նյութերի ու տեխնոլոգիաների կիրառման կարողություն,
• նախագծային համակարգչային ծրագրերի կիրառման կարողություն: