(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Վերջին 10 օրերի ընթացքում Քաղաքային տնտեսության և էկոլոգիայի ֆակուլտետի դեկան Վալերիկ Հարությունյանը, «Շինարարական մեքենաների և երթևեկության կազմակերպման», «Ջերմագազամատակարարման և օդափոխության», «Գեոէկոլոգիայի և կեսաանվտանգության» ամբիոնների աշխատակիցների հետ հանդիպումներ են ունեցել մարզերի մի քանի ավագ դպրոցների հետ:
Մասնագիտական կողմնորոշման աշխատանքների շրջանակում այցելել են Գևորգ Էմինի անվան 182 դպրոց, քաղաք Հրազդանի, Սպիտակի, Տաշիրի և Ստեփանավանի ավագ և միջնակարգ դպրոցներ:
Մասնագետները ներկայացրել են ֆակուլտետի կազմում գործող «Տրանսպորտային համակարգեր», «Սերվիս» և «Զբոսաշրջություն» մասնագիտությունների մասին մանրամասն տեղեկատվություն, ինչպես նաև ներկայացրել են համալսարանում գործող այլ մասնագիտությունները, դրանց առավելություններն ու հնարավորությունները աշխատաշուկայում, ընդունելության կարգը և միջազգային փոխանակման ծրագրերը:
Վալերիկ Հարությունյանի խոսքով դպրոցներում հետաքրքրված էին ոչ միայն 12-րդ դասարանցիները, այլև 10 և 11-րդ դասարանի աշակերտները: Պարոն Հարությունյանը հավելեց նաև, որ այս աշակերտների հետ ձեռք է բերվել պայմանավորվածություն հաջորդ անգամ հանդիպել համալսարանում:
