(010) 303-300
Ճարտարապետության և շինարարության Հայաստանի ազգային համալսարանը և Չինաստանի Հենանի քաղաքաշինության համալսարանը ստորագրեցին փոխըմբռնման հուշագիր, որը նպատակ ունի ամրապնդել երկու հաստատությունների բարեկամական կապերը, զարգացնել ակադեմիական հետազոտությունները և ընդլայնել կրթական համագործակցությունը։
Հուշագրի շրջանակում նախատեսվում է համագործակցություն մի շարք առանցքային ուղղություններով․
Ստորագրման արարողության ընթացքում ՃՇՀԱՀ ռեկտոր Մանուկ Բարսեղյանը կարևորեց այս նշանակալի քայլը՝ նշելով․
«Հուշագրի ստորագրումը ամուր հիմք է համալսարանների միջև ակադեմիական համագործակցության համար։ Այն կնպաստի ՃՇՀԱՀ-ի միջազգային կապերի ընդլայնմանը, համատեղ գիտահետազոտական և կրթական ծրագրերի իրականացմանը, ինչպես նաև երիտասարդ գիտնականների, հետազոտողների ու ուսանողների փոխանակմանը։ Մեր գործընկերներին սիրով հրավիրում եմ այցելել Հայաստան՝ առարկայական բանակցությունների և համագործակցության մանրամասների հստակեցման նպատակով»։
Այս համագործակցությունը նոր հեռանկարներ է բացում երկու համալսարանների միջև՝ նպաստելով միջազգային կրթական միջավայրի զարգացմանը, գիտական ներուժի համատեղ օգտագործմանը և մշակութային կապերի ամրապնդմանը։
