(010) 303-300
Սիրելի՛ ուսուցիչներ.
Սրտանց շնորհավորում եմ Ձեզ՝ մասնագիտական այս վեհ և ազնիվ տոնի առթիվ: Մեր ժողովուրդն առանձնահատուկ ջերմությամբ, ակնածանքով ու երախտագիտությամբ է նշում Ուսուցչի տոնը՝ նրան համեմատելով մոր, լավագույն ընկերոջ, խորհրդատուի և առաջնորդի հետ:
Հարգելի՜ ուսուցիչներ, ուսուցչուհիներ, մանկավարժներ.
Ծնողներից հետո դուք եք այն հենարանը, որին ապավինելով մեր երեխաներն իրենց առաջին քայլերն են անում, դուք եք կրողն այն դժվարին ու խիստ պատասխանատու աշխատանքի, որը դաստիարակում, կրթում և հայ ու հայրենասեր է մեծացնում սերունդներին: Ի վերջո, հենց Ձեր ուսերին է լավ մարդ, քաղաքացի, պետության ղեկավարներ ու քաջարի սահմանապահներ մեծացնելու կարևոր պարտականությունը:
Շնորհակալ ենք Ձեզանից Ուսուցչի կոչումը պատվով կրելու և ազգանպաստ առաքելության համար:
