ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Մայիսի 6-ին ՃՇՀԱՀ գիտական խորհրդի նիստում  հավաստագրերի արժանացան.  Ճարտարապետության և շինարարության Հայաստանի ազգային համալսարանի առաջին անգամ կազմակերպած ներքին դրամաշնորհների տրամադրման մրցույթում հաղթողները:

Հաղթող 4 թեմաներն են՝

1.  «Կամուրջների թռիչքային կառուցվածքների գործիքային մշտադիտարկման համալիրի մշակում և փորձարկում» (ղեկավար Արտաշես Սարգսյան, 2 ուսանող),
2.  «Շինարարական մեքենաների, մեխանիզմների, գործիքների, սարքավորումների նախահաշվանորմատիվային տեղեկատվական շտեմարանի արդիականացում» (ղեկավար Արմինե Ղուլյան, 2 ուսանող),
3.  «Շենքերի և շինությունների էներգաարդյունավետության և էներգախնայողության բարձրացմանն ուղղված փորձարարական հետազոտությունների մեթոդաբանության մշակում» (ղեկավար Սիրանուշ Էգնատեսյան, 3 ուսանող),
4.  «Լազերային դեֆորմամետրի նախագծում և պատրաստում» (ղեկավար Հովսեփ Պետրոսյան, 2 ուսանող):

Հիշեցնենք, որ  ՃՇՀԱՀ ռեկտոր Ե. Վարդանյանի նախաձեռնությամբ համալսարանում առաջին անգամ հայտարարվեց գիտական ներքին դրամաշնորհային մրցույթ, որը մեծ ոգևորությամբ ընդունվեց պրոֆեսորադասախոսական և ուսանողական համակազմի կողմից: Ինչպես նշեց ՃՇՀԱՀ ռեկտոր Ե. Վարդանյանը, գիտական ներքին դրամաշորհային մրցույթները կլինեն շարունակական՝ խրախուսելով երիտասարդ գիտնականների և պրոֆեսորների համատեղ աշխատանքը: