(010) 303-300
Նոյեմբերի 26-ից դեկտեմբերի 2-ը Բելառուսի մայրաքաղաքում էին Ճարտարապետության և շինարարության Հայաստանի ազգային համալսարանի ՃՆ և ՃՄԴ ամբիոնի ճ.թ. դոցենտ Լիաննա Աղաջանյանը, Դիզայնի ամբիոնի դասախոս Լիլիթ Ումեդյանը և ԷԻԿ ամբիոնի ասիստենտ Հերմինե Սամվելյանը:
Մեր համալսարանի պատվիրակության այցի նպատակը՝ Erasmus+ ԻննոՍԵՆՍ ծրագրի շրջանակներում նորարարական մանկավարժության գնահատման համակարգին վերաբերող դասընթացին մասնակցությունն էր:
Մինսկում մեր համալսարանի ներկայացուցիչները, նորարարական մանկավարժության թեմայի շրջանակներում, հանդես եկան ելույթներով և ներկայացրեցին ՃՇՀԱՀ-ի գնահատման համակարգը, կիրառվող գործիքներն ու մեթոդները: Դասընթացին ուսումնասիրվեց նորարարական կարողությունների գնահատման գործընթացը և փորձարկվեց մի շարք օնլայն թեստավորման կայքեր, որոնք հետագայում կներդրվեն նաև մեր համալսարանի գնահատման համակարգի մեջ:
Այցելության ընթացքում դասընթացի մասնակիցների համար կազմակերպվեց նաև վարպետության դասեր և էքսկուրսիաներ:
