(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Սեպտեմբերի 3-ին Հյուսիսային համալսարանում կայացավ ՅՈՒՆԵՍԿՕ-ի «Որակի ներքին ապահովման կարողությունների զարգացում ՀՀ բուհերում» ծրագրի ամփոփիչ կոնֆերանսը: Կոնֆերանսի ընթացքում ամփոփվեցին ծրագրի շրջանակներում իրականացված գործընթացները, ներկայացվեց ծրագրի ազդեցությունը ՀՀ բուհական համակարգի վրա:
Հիշեցնենք, որ ՃՇՀԱՀ «Որակի ներքին ապահովման կարողությունների զարգացում ՀՀ բուհերում» ծրագիրը մեկնարկել է ս.թ. հունվար ամսին, և նպատակ ուներ զարգացնել բուհերի որակի ներքին ապահովման կարողությունները՝ ստեղծելով բարեփոխումների խմբեր, ինչպես նաև նախապատրաստել բուհերին ինստիտուցիոնալ հավատարմագրման գործընթացին։ Ծրագրի շահակից բուհերն են Ճարտարապետության և շինարարության Հայաստանի ազգային համալսարանը, Հայաստանում Ֆրանսիական համալսարանը, Հյուսիսային համալսարանը և Եվրասիա միջազգային համալսարանը: Ծրագրի շրջանակներում ս.թ. մարտի 31-ին իրականացվել է արտաքին գնահատման առցանց այց, որը կազմակերպել և համակարգել է ՈԱԱԿ-ը: Գործընթացում որպես ներքին փորձագետներ ներգրավվել են ՃՇՀԱՀ-ի աշխատակազմի ղեկավար Հովսեփ Հովեյանը և համալսարանի Որակի ապահովման կենտրոնի ավագ մասնագետ Անի Հակոբյանը:
Առցանց այցի ընթացքում հանդիպումներ են տեղի ունեցել բուհի ներքին (ղեկավար կազմ, կրթական ծրագրերի պատասխանատուներ, դասախոսներ, ուսանողներ, Որակի ապահովման պատասխանատուներ և SWOT վերլուծությունն իրականացրած խումբ) շահակիցների հետ: Հանդիպումների ընթացքում վեր են հանվել բուհի ուժեղ և բարելավման ենթակա կողմերը, դիտարկվել են բուհի մրցակցային առավելությունները, իրականացվող ՄԿԾ-ների, ոլորտային գերակայությունների և սոցիալ-տնտեսական զարգացման հեռանկարների համար անհրաժեշտ կարիքների փոխկապակցվածությունը ու գործատուների հետ համագործակցությունը:
Առցանց այցի ավարտին տեղի է ունեցել հանդիպում բուհի ղեկավար կազմի հետ՝ ամփոփվել են բուհում առկա խնդիրները, քննարկվել են բացահայտված լավագույն փորձը և բարելավման ենթակա ուղղությունները:
