(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Սեպտեմբերի 11-20-ը Ֆինլանդիայի Տուրկու քաղաքում էին գտնվում Ճարտարապետության և շինարարության Հայաստանի ազգային համալսարանի ԻՀՏԿՀ ամբիոնի տ.գ.թ. ասիստենտ Անդրանիկ Ակարմազյանը, ՃՆ և ՃՄԴ ամբիոնի ճ. թ. Դոցենտ Լիաննա Աղաջանյանը և ԷԻԿ ամբիոնի ասիստենտ Հերմինե Սամվելյանը:
Մեր համալսարանի պատվիրակությունը Ֆինլանդիա էր մեկնել՝ ERASMUS+ ԻննոՍԵՆՍ ծրագրի շրջանակներում՝ մասնակցելու Տուրկուի Կիրառական Գիտությունների Համալսարանի կողմից կազմակերպվող ուսումնական այցին՝ նորարարական մանկավարժության թեմայով:
Այցի ընթացքում մեր համալսարանի ներկայացուցիչները մասնակցել են նորարարական մանկավարժությանը նվիրված դասընթացին, հանդես եկել ելույթներով, մասնակցել թեմայի շուրջ քննարկումներին և, կարևորելով, նորարարական մանկավարժության կիրառման առավելությունները, դիտարկել դրանց կիրառման և զարգացման ուղիները նաև ՃՇՀԱՀ-ի դասավանդման ծրագրի մեջ։
Այցի շրջանակներում մեր համալսարանի պատվիրակությունը մասնակցել է համատեղ աշխատանքների, էքսկուրսիաների և այցելել թանգարաններ:
