(010) 303-300
ՃՇՀԱՀ դիզայնի ամբիոնի ուսանողներն արդեն 13 տարի անընդմեջ մասնակցում են Մոսկվայում «Тара и упаковка» և «Дубл В» ընկերությունների կողմից կազմակերպվող «Заводной апельсин» միջազգային ուսանողական մրցույթին՝ տարբեր անվանակարգերում մշտապես արժանանալով ամենաբարձր մրցանակների:
Այս տարի Ճարտարապետություն և շինարարության Հայաստանի ազգային համալսարանի «Դիզայն» մասնագիտության ուսանողների 3 աշխատանք ներկայացվեց փաթեթավորման և պիտակավորման ուսանողական լավագույն աշխատանքների “ЗАВОДНОЙ АПЕЛЬСИН-2021” միջազգային մրցույթին:
Մրցույթին ներկայացվել էր 4 երկրի 25 ուսումնական հաստատության ավելի քան 120 աշխատանք: Հարկ է նշել, որ մրցույթի ժյուրիի կազմում ընդգրկված էին միջազգային չափանիշներով բարձակարգ մասնագետներ:
ՃՇՀԱՀ-ն ներկայացնող մագիստրատուրայի ուսանողուհի Մանե Մկրտչյանի աշխատանքն արժանացավ արծաթե դիպլոմի: Մրցույթի կազմակերպիչները հատուկ դիպլոմների արժանացրին նաև Դիզայնի ֆակուլտետին, Դիզայնի ամբիոնին, ամբիոնի վարիչ Աշոտ Բաղդասարյանին ու դասախոս Սաթենիկ Դանիելյանին:
ՌԴ Տյումենի ճարտարապետության և շինարարության պետական համալսարանում անցկացվեց միջազգային ամենամյա «ЗОЛОТАЯ АРХИДЕЯ» ճարտարապետական նախագծերի մրցույթը, որին մասնակցում էին ինչպես Հայաստանի, այնպես էլ Ռուսաստանի, Չինաստանի, Մոլդովիայի, Ղազախստանի, Տաջիկստանի և մի շարք այլ երկրների առաջատար բուհերի ուսանողներ: Ժյուրիի կազմում ընդգրկված էր ՃՇՀԱՀ քաղաքաշինության ամբիոնի վարիչ Զառա Մամյանը:
ՃՇՀԱՀ դիզայնի և ճարտարապետության ֆակուլտետների ուսանողների ներկայացրած 5 աշխատանք արժանացավ մրցանակների։ Դիզայնի ֆակուլտետից մրցանակակիր Էլեն Գրիգորյանը (ղեկավար՝ Աշոտ Բաղդասարյան) զբաղեցրեց առաջին հորիզոնականը, Էլեոնորա Մարգարյանը (ղեկավար՝ Արտաշես Մելիքյան) և Սրբուհի Զիրաքյանը (ղեկավար՝ Անի Աճառյան) գրավեցին մրցութային երկրորդ, Մարիամ Ադամյանը (ղեկավար՝ Տաթև Ավագյան)՝ երրորդ տեղեր: Ճարտարապետության ֆակուլտետից Կարեն Մաշուրյանը (ղեկավար Զարուհի Մամյան) զբաղեցրել է առաջին հորիզոնականը:
