(010) 303-300
Ռուսաստանի Տյումեն քաղաքի Ինդուստրիալ համալսարանում անցկացվել է ՙՈւսանողական նախագծային շաբաթ՚, որին մասնակցել են նաև Ճարտարապետության և շինարարության Հայաստանի ազգային համալսարանի ուսանողները: Աշխատանքային շաբաթն իրականացրել է Բրանդենբուրգի համալսարանի պրոֆեսոր Գերխարդ Իրինգը:
Մեր համալսարանի 7 ուսանող՝ Քաղաքաշինության ամբիոնի վարիչ Զառա Մամյանի գլխավորությամբ, Տյումենի համալսարանի ուսանողների հետ կազմելով 5- ական խմբեր, պատրաստել են Տյումենի կենտրոնական տարածքների նախագծային առաջարկներ: Աշխատանքների ավարտին՝ Տյումենի համալսարանի ռեկտորի կողմից մեր ուսանողները ստացել են մասնակցության հավաստագրեր:
Համատեղ աշխատանքային շաբաթն առանձնահատուկ է եղել նաև միմյանց մշակույթներին ծանոթանալու, նոր արժեքներ բացահայտելու առումով: Ուսանողների խումբն այցելել է Տոբոլսկ և Աբալակ, ծանոթացել տեղի պատմամշակութային ժառանգությանը:
Ռուսաստանում մեր համալսարանի պատվիրակության անդամների վերջին կանգառը եղել է Մոսկվայի ճարտարապետաշինարարական ինստիտուտը, որտեղ ծանոթացել են ուսումնական պրոցեսին, լսարաններին և մի քանի համատեղ նախագծերի վրա աշխատել:
