(010) 303-300
Ընկերները Գալուստի բացակայությունն արդեն զգում են և կարոտում: Պատերազմը մեր համալսարանի Շինարարության ֆակուլտետի այս տարվա շրջանավարտ Գալուստ Նազարյանին նույնպես չխնայեց: Խելացի, կենսուրախ, ընկերասեր, գերազանց առաջադիմությամբ Գալուստն ընդամենը 2 ամսվա զինծառայող էր, երբ բռնկվեց պատերազմը՝ մյուս հայորդիների հետ նրան նույնպես անմահացնելով:
Բազմաշնորհ Գալուստն արդեն աշխատում էր: Լազերային փոքրիկ ստուդիա էր հիմնել և իր ձեռքով պատրաստում էր փայտե իրեր:
Գալուստը կմնա նրան ճանաչող բոլոր մարդկանց հիշողության մեջ հենց այսպես՝ 21 տարեկան, կյանքով լեցուն, ժպտադեմ ու բոլորին ժպիտ բաժանող:
