(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Մասնագիտական կողմնորոշման աշխատանքների շրջանակում ՃՇՀԱՀ են այցելել 50 հիմնական, 112ավագ, Այգեղատի ավագ, Ապարանի ավագ, Արամուսի միջնակարգ, Արմավիրի թիվ 4, Բյուրեղավանի ավագ, Դիլիջանի թիվ 5 ավագ, Եղվարդի ավագ, Սևանի ավագ, Ճամբարակի ավագ դպրոցները և Գյումբու «Ֆուտոն» վարժարանը: Աշակերտները համալսարանում ծանոթացան մասնագիտություններին, լսարաններին, լաբորատորիաներին, արվեստանոցներին, շրջեցին բոլոր ֆակուլտետներում:
ՃՇՀԱՀ-ը հագեցած է նորագույն տեխնոլոգիական սարքավորումներով, առկա են դասապրոցեսին անհրաժեշտ մասնագիտական բոլոր լաբորատորիաները, ինչպես նաև առկա են ճարտարապետական և դիզայներական արվեստանոցները, որոնք ևս արժանացել են աշակերտների ուշադրությանը:
Այցերի ժամանակ աշակերտների համար կազմակերպվել են սեմինարներ, Քաղաքային տնտեսության և էկոլոգիայի ֆակուլտետի դեկան Վալերիկ Հարությունյանը և Շինարարության ֆակուլտետի դեկան Արամ Սահակյանը ներկայացրել են համալսարանը: Դիզայն ֆակուլտետը ներկայացրել են դասախոսներ Անի Աճառյանը և Նարինե Արշակունին, իսկ Կառավարման և տեխնոլոգիայի ֆակուլտետը ներկայացրին Ազատ Սմբատյանը և Լիանա Օհանյանը: Համալսարանի աշխատակիցները նշեցին, որ համալսարանում բացի մասնագիտական գիտելիքներ ստանալուց ուսանողները հնարավորություն ունեն խորապես ուսումնասիրել օտար լեզուներ, իսկ ուսումնական պլանից դուրս կարող են մասնակցել նաև մասնագիտական տարատեսակ ծրագրերի ուսուցմանը: Այնպես որ մրցունակ և պահանջված մասնագետ դառնալու բոլոր պայմանները ստեղծված են:
