ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

Ցավով տեղեկացանք, որ այսօր, 77 տարեկան հասակում մահացել է հայտնի շինարար և բարերար Վարդգես Արծրունին:

Վարդգես Արծրունին ծնվել է 1941 թ-ի հոկտեմբերի 31-ին Կիսլովոդսկում:

Բանակից զորացրվելուց անմիջապես հետո ընդունվել է Մոսկվայի Շինարարական Ինստիտուտը:

1979 թ-ից Արծրունին զբաղեցրել է ղեկավար պաշտոններ շինարարարական ոլորտում, եղել նաև Հայաստանի Խորհրդային Սոցիալիստական հանրապետության Մինիստրների խորհրդի նախագահի տեղակալը:

Վարդգես Արծրունին նշանակալի դերակատարում է ունեցել 1988թ-ի Սպիտակի երկրաշարժի հետևանքները վերացնելու գործում:

1991 թ-ից եղել է Մոսկվայի քաղաքաշինության դեպարտամենտի ղեկավարի տեղակալը, ինչպես նաև ՙՄոսինտերստրոյ՚ միավորման ղեկավարը:

Մեծ աջակցություն է ցուցաբերել Մոսկվայի Լազարյան ճեմարանի վերակառուցման գործում:

Վարդգես Արծրունու հոգեհանգիստը կկայանա օգոստոսի 24-ին՝ Մոսկվայի Հայ առաքելական եկեղեցում: