(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Սիրելի՛ ուսուցիչներ,
Շնորհավորում եմ մասնագիտական տոնի՝ Ուսուցիչների համաշխարհային օրվա առթիվ: Պատահական չէ, որ այս տոնը միջազգային է և նշվում է աշխարհում ամեն տարի հոկտեմբերի 5-ին՝ հարգելու և մեծարելու ուսուցչի պատվաբեր աշխատանքը:
Ուսուցչի աշխատանքը բացի պատվաբեր լինելուց՝ հայրենանվեր ու ազգանպաստ առաքելություն է: Ուսուցիչն իր աշխատանքն իրականացնում է հանուն ապագայի, հանուն վաղվա սերնդի: Ուսուցչի կարևոր առաքելությունն է նպաստել ազատ, անկախ, հայրենասեր ու գիտակից մարդու դաստիարակմանը, սերմանելով նրանց մեջ սեր ու հարգանք հայրենիքի, ընտանիքի և իհարկե գիտելիքի հանդեպ, օգնել կյանքում առաջին քայլերն անող աշակերտին դառնալ լավ մարդ ու քաղաքացի իր պետության համար:
Առանձնահատուկ ցանկանում եմ շնորհավորել ՃՇՀԱՀ Մանուկ Աբեղյանի անվան ավագ դպրոցի բոլոր ուսուցիչներին՝ ցանկանալով խաղաղություն, քաջառողջություն, բարեկեցություն և լավատեսություն:
Սիրելի՛ ուսուցիչներ, ևս մեկ անգամ սրտանց շնորհավորում եմ բոլորիդ՝ մաղթելով անսպառ աշխատունակություն և բազում մասնագիտական ձեռքբերումներ:
ՃՇՀԱՀ ռեկտոր
Եղիազար Վարդանյան