ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ

ՃՇՀԱՀ-ի և Ավստրիայի Զալցբուրգի համալսարանի միջև գործող Էրազմուս+ միջազգային շարժունության ծրագրի շրջանակում ՃՇՀԱՀ-ում դասախոսություններով հանդես եկավ Զալցբուրգի համալսարանի Քրիստոնյա Արևելքի ուսումնասիրությունների կենտրոնի տնօրեն, Հայագիտության բաժնի վարիչ, հայագիտության և ընդհանուր լեզվաբանության պրոֆեսոր Ժասմին Դում-Թրագութը:

Պրոֆեսոր Դում-Թրագութն իր դասախոսություններում անդրադարձ կատարեց հետևյալ թեմաներին՝

• «Առաքելոց վանական համալիրն ու բնակատեղին: Մոռացությունից մինչև բացահայտում. Europa Nostra 2025թ. ծրագրի շրջանակում Եվրոպայի 7 վտանգված պատմական վայրերը: Ականատեսի տպավորությունը»,
• «Սյունիքի Շինուհայր վանքը, Շնհերի կուսանաց մենաստանը. մշակութային ժառանգության հետազոտություն/ներկայացում, ձեռագրեր, պատմությունը»,
• «Մշակութային ժառանգության պահպանությունը. միջառարկայական մոտեցումներ»:

Դասախոսությունները անցկացվեցին հարց-պատասխանի ձևաչափով, իսկ համալսարանի ղեկավար կազմի ներկայացուցիչների հետ կայացած հանդիպման ընթացքում քննարկվեցին ակադեմիական համագործակցության ընդլայնման հնարավորությունները՝ համատեղ հետազոտությունների և փոխանակման ծրագրերի իրականացման միջոցով։