(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Ճարտարապետության և շինարարության Հայաստանի ազգային համալսարանում ավարտվեցին բակալավրիատի և մագիստրատուրայի 2020-2021 ուստարվա ավարտական կուրսերի ուսանողների ավարտական աշխատանքների պաշտպանությունները: Բակալավրիատի ավարտական կուրսի 541, իսկ մագիստրատուրայում՝ 108 ուսանող բարեհաջող ներկայացրեց ավարտական աշխատանքը:
Գերազանց գնահատական ստացավ բակալավրիատում 223, մագիստատուրայում՝ 62 ուսանող:
Այս տարի դիզայնի ֆակուլտետի 3 տարբեր մասնագիտացումներով («Գրաֆիկական դիզայն», «Դիզայն (արդյունաբերական դիզայն)», «Միջավայրի դիզայն») սովորող ուսանողներ ներկայացան համատեղ իրականացված աշխատանքով: Նրանք ընդհանուր թեմայի շուրջ միասին, համագործակցաբար իրականացրել էին թիմային աշխատանք: Յուրաքանչյուր ուսանող, ըստ իր մասնագիտացման, աշխատել էր նախագծի համապատասխան հատվածի վրա: Արդյունքում ստացվել էր հետաքրքիր, բազմաբովանդակ հետազոտական աշխատանք, որը հանձնաժողովը գնահատեց գերազանց: Ինչպես նշեց ուսումնական գծով պրոռեկտոր Գառնիկ Ստեփանյանը, սա հրաշալի օրինակ է, փորձ, որը հետագայում կարելի է կիրառել նաև այլ մասնագիտացումներով սովորող ուսանողների թեզերի պաշտպանության ժամանակ:
