(010) 303-300
ՃԱՐՏԱՐԱՊԵՏՈՒԹՅԱՆ ԵՎ ՇԻՆԱՐԱՐՈՒԹՅԱՆ ՀԱՅԱՍՏԱՆԻ ԱԶԳԱՅԻՆ ՀԱՄԱԼՍԱՐԱՆ
100-ամյա պատմություն ունեցող համալսարան
Այսօր Ճարտարապետության և շինարարության Հայաստանի ազգային համալսարան էին եկել Լեոյի անվան թիվ 65 ավագ դպրոցի աշակերտները, տնօրեն՝ Ռաֆայել Բարսեղյանի ուղեկցությամբ: Տարբեր մասնագիտություններ ընտրած ապագա ուսանողները ՃՇՀԱՀ Կարիերայի կենտրոնի և Ընդունելության բաժնի ղեկավար Հայկ Սարգսյանի ղեկավարությամբ շրջայց կատարեցին համալսարանում, եղան համապատասխան ամբիոններում, հանդիպումներ ունեցան ուսանողների և դասախոսների հետ:
Հանդիպումը անցավ ջերմ և հաճելի մթնոլորտում, աշակերտներին հետաքրքրում էր ամեն ինչ . սկսած ուսումնական պրոցեսից, վերջացրած արվեստանոցներով ու լաբորատորիաներով:
Հանդիպման ավարտին ձեռք բերվեց պայմանավորվածություն հետագայում համագործակցությունը էլ ավելի զարգացնելու ուղղությամբ:
